പുതുവർഷത്തോട് അനുബന്ധിച്ച് ഭാഗ്യത്തിനായി അർദ്ധരാത്രിയിൽ മേശയ്ക്കടിയിൽ നിന്ന് 12 പച്ച മുന്തിരി കഴിക്കുന്ന പരിപാടി സമൂഹമാധ്യമങ്ങളിൽ ഇപ്പോൾ ശ്രദ്ധ നേടുകയാണ്.സോഷ്യൽ മീഡിയാ ട്രെൻഡ് മാത്രമല്ല, സ്പെയിനിൽ നിലവിലുള്ള പുതുവർഷരാത്രിയിലെ ഒരു ആചാരമാണിത്..12 മുന്തിരികൾ ഒരു വർഷത്തെ ഓരോ മാസങ്ങളേയും പ്രതിനിധീകരിക്കുന്നു. അർധരാത്രിയിൽ പുതുവർഷം പുലരുന്നതിന് തൊട്ടുമുമ്പ് ഓരോ സെക്കന്റിലും ഓരോ മുന്തിരി വീതം കഴിക്കണം. അതാണ് ആ ആചാരം.."ലാസ് ഡോസെ ഉവാസ് ഡി ലാ സുവെർട്ടെ" (Las Doce Uvas de la Suerte) അഥവാ ഭാഗ്യത്തിന്റെ പന്ത്രണ്ട് മുന്തിരികൾ എന്നറിയപ്പെടുന്ന ഈ പാരമ്പര്യം 1800-കളുടെ അവസാനത്തിൽ മഡ്രിഡിലാണ് ആരംഭിച്ചതെന്നാണ് പറയപ്പെടുന്നത്..ഡിസംബർ 31 അർധരാത്രിയിൽ പ്യൂർട്ട ഡെൽ സോൾ ചത്വരത്തിലെ ക്ലോക്കിൽ 12 തവണ മണി മുഴങ്ങുമ്പോൾ, കുടുംബാംഗങ്ങൾ ഒത്തുകൂടുകയും ഓരോ മണിമുഴക്കത്തിനും ഒന്ന് എന്ന ക്രമത്തിൽ ആകെ 12 മുന്തിരികൾ കഴിക്കുകയും ചെയ്യുന്നു..അക്കാലത്തെ പ്രഭുക്കന്മാർ ക്രിസ്മസ് കാലത്ത് മുന്തിരിയും ഷാംപെയിനും കഴിക്കുന്ന പതിവുണ്ടായിരുന്നുവെന്നും അതിനെ പരിഹസിച്ചുകൊണ്ട് സാധാരണക്കാർ പ്യൂർട്ട ഡെൽ സോളിൽ ഒത്തുകൂടി മുന്തിരി കഴിക്കാൻ തുടങ്ങിയതാണെന്നും കഥയുണ്ട്..മറ്റൊരു കഥ,1900-കളുടെ അവസാനത്തിൽ അലിസാന്റെ മേഖലയിലെ മുന്തിരി കർഷകർക്ക് ആവശ്യത്തിലധികം വിളവ് ലഭിക്കുകയും അധികം വന്ന മുന്തിരികൾ വിറ്റഴിക്കാനായി അവർ കണ്ടെത്തിയ ഒരു വിദ്യയായിരുന്നു ഈ "ഭാഗ്യ മുന്തിരികൾ" എന്നുമാണ്..എന്നാൽ മേശക്കടിയിലിരുന്ന് മുന്തിരികൾ കഴിച്ചാൽ പ്രണയസാഫല്യവും ഭാഗ്യവും ഐശ്വര്യവും കൈവരുമെന്നത് മുകളിൽ പറഞ്ഞ ആചാരത്തിന്റെ സോഷ്യൽ മീഡിയാ പതിപ്പാണ്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
