കുട്ടികളുടെ വളര്ച്ചയുടെ കാലഘട്ടത്തില് എല്ലാ പോഷകങ്ങളും ഭക്ഷണത്തിലൂടെ അവര്ക്ക് ലഭ്യമാകുന്നുവെന്ന് ഉറപ്പാക്കേണ്ടതുണ്ട്. ഇവ അവരുടെ ശാരീരിക-മാനസികാരോഗ്യത്തെ മെച്ചപ്പെടുത്തുകയും ആരോഗ്യമുള്ള ജീവിതം നയിക്കാൻ പ്രാപ്തരാക്കുകയും ചെയ്യും. കുട്ടികളുടെ ഡയറ്റില് ഉണ്ടാകേണ്ട ആറ് അവശ്യ പോഷകങ്ങള് ഇവയാണ്.പ്രോട്ടീന്കുട്ടികളുടെ വളര്ച്ചയ്ക്ക് ഏറെ പ്രധാനമാണ് പ്രോട്ടീന്. എല്ലുകളുടെയും പേശികളുടെയും കോശങ്ങളുടെയും വളര്ച്ചയ്ക്ക് പ്രോട്ടീന് ആവശ്യമാണ്. മത്സ്യം, മുട്ട, പാല് ഉല്പ്പന്നങ്ങള്, ധാന്യങ്ങള്, നട്സ് എന്നിവയില് ധാരളം പ്രോട്ടീന് അടങ്ങിയിട്ടുണ്ട്..കാൽസ്യംകുട്ടികളുടെ എല്ലുകളുടെയും പല്ലുകളുടെയും കരുത്തിന് ഡയറ്റില് കാൽസ്യം ഉള്പ്പെടുത്തേണ്ടത് പ്രധാനമാണ്. പാല്, ചീസ്, പലക്കറികള്, തൈര് തുടങ്ങിയ കാൽസ്യം അടങ്ങിയ ഭക്ഷണങ്ങള് കുട്ടികള്ക്ക് ദിവസവും കൊടുക്കുക..വിറ്റാമിന് ഡിരോഗപ്രതിരോധ ശേഷിയും എല്ലുകളുടെ ആരോഗ്യം മെച്ചപ്പെടുത്തുന്നതിനും സഹായിക്കുന്ന പോഷകമാണ് വിറ്റാമിന് ഡി. സൂര്യപ്രകാശമാണ് വിറ്റാമിന് ഡിയുടെ പ്രധാന ഉറവിടം. കൂടാതെ വിറ്റാമിന് ഡി അടങ്ങിയ ചില മത്സ്യങ്ങള്, ഫോര്ട്ടിഫൈഡ് പാല് ഉല്പ്പന്നങ്ങള് എന്നിവ കുട്ടികളുടെ ഡയറ്റില് ചേര്ക്കുന്നത് നല്ലതാണ്..ഇരുമ്പ്കുട്ടികളില് വിളര്ച്ച തടയാനും ചുവന്ന രക്താണുക്കളുടെ ഉല്പാദനം മെച്ചപ്പെടുത്താനും ഇരുമ്പ് അടങ്ങിയ ഭക്ഷണങ്ങള് ഡയറ്റില് നിര്ബുന്ധമായും ചേര്ക്കണം. ചീര, മാംസം, ബീന്സ്, ധാന്യങ്ങള് എന്നിവയില് ഇരുമ്പ് അടങ്ങിയിട്ടുണ്ട്..ഒമേഗ-3 ഫാറ്റി ആസിഡ്തലച്ചോറിന്റെ വികസനം, ഹൃദയാരോഗ്യം, കാഴ്ച ശക്തി എന്നിവ മെച്ചപ്പെടുത്തുന്നത് ഒമേഗ-3 ഫാറ്റി ആസിഡ് ഡയറ്റില് ചേര്ക്കേണ്ടത് നിര്ബന്ധമാണ്. ഒമേഗ-3 ഫാറ്റി ആസിഡ് അടങ്ങിയ മത്തി പോലുള്ള മത്സ്യം, നട്സ്, വിത്തുകള്, പാല് ഉല്പ്പന്നങ്ങള് എന്നിവ കുട്ടികളുടെ ഡയറ്റില് ചേര്ക്കണം..ഫൈബര്ദഹനം മെച്ചപ്പെടുത്തുന്നതിനും രക്തത്തിലെ പഞ്ചസാരയുടെ അളവു നിയന്ത്രിക്കുന്നതിനും ഡയറ്റില് നാരുകള് അടങ്ങിയ ഭക്ഷണം ചേര്ക്കണം. മുഴുവന് ധാന്യങ്ങള്, പഴങ്ങള്, പച്ചക്കറി, നട്സ് എന്നിവയില് ധാരാളം നാരുകള് അടങ്ങിയിട്ടുണ്ട്.
