അധികമായാൽ നല്ലതെന്ന് കരുതുന്ന കാര്യങ്ങളും ചിലപ്പോൾ അപകടമായി മാറാറുണ്ട്..ദിവസവും കൂടുതൽ ചുവടുകൾ നടക്കുന്നത് ഫിറ്റ്നസ് മെച്ചപ്പെടുത്തുമെങ്കിലും, ശരീരത്തിന്റെ ശേഷി കവിഞ്ഞുള്ള നടത്തം മസിൽ വേദന, സന്ധിവേദന, ക്ഷീണം, തുടങ്ങിയ പ്രശ്നങ്ങൾക്ക് കാരണമാകാം..ആരോഗ്യകരമായ ജീവിതശൈലിക്ക് നടത്തം മികച്ച ശീലമാണെങ്കിലും, അതിൽ അളവും വിശ്രമവും ഒരുപോലെ പ്രധാനമാണെന്നാണ് വിദഗ്ധർ പറയുന്നത്..അമിതമായ നടത്തം സന്ധികൾക്ക് അമിതഭാരം ഉണ്ടാക്കുകയും കേടുപാടുകൾ വരുത്തുകയും ചെയ്യും.നടത്തം അധികമായാൽ കടുത്ത ക്ഷീണം, കാലുകൾക്ക് വേദന, കാലുകൾക്ക് കനം, കാൽപാദങ്ങൾക്കു വേദന എന്നിവ ഉണ്ടാകുന്നു.ദീർഘനേരമുള്ള നടത്തം, പ്രത്യേകിച്ച് കടുപ്പമുള്ള പ്രതലങ്ങളിൽ നടക്കുന്നത് കണങ്കാലിലും പാദങ്ങളിലും ഫ്ലൂയ്ഡ്റിറ്റൻഷനും വീക്കത്തിനും കാരണമാകും.അമിതമായ നടത്തം മസിൽ ലോസിനു കാരണമാകും. സ്ട്രെങ്ത്ത് ട്രെയിനിങ് കൂടാതെ കാർഡിയോ അമിതമായി ചെയ്യുന്നത് പേശികളെ ഇല്ലാതാക്കുകയും ശക്തി കുറയ്ക്കുകയും ചെയ്യും..കൂടുതൽ ദൂരം നടക്കുന്നത് അസ്ഥിസന്ധികളുടെ തേയ്മാനത്തിന് കാരണമാകും, പ്രത്യേകിച്ച് പ്രായമായവരിൽ..ചില ആളുകളിൽ അമിത നടത്തം ഹൃദയമിടിപ്പ് കൂട്ടാനും രക്തസമ്മർദ്ദം വർദ്ധിപ്പിക്കാനും കാരണമാകും..അമിതമായി നടക്കുന്നതു മൂലം എല്ലുകൾക്ക് സമ്മര്ദം ഉണ്ടാകുകയും ചെറിയ പൊട്ടൽ ഉണ്ടാകുകയും ചെയ്യും.ഈ അവസ്ഥമാറാൻ ദിവസങ്ങളോ ആഴ്ചകളോ എടുക്കും.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
