യുദ്ധത്തിന്റെ ആഘാതം നമ്മുടെ അടുക്കളയുടെ പ്രവർത്തനം താളം തെറ്റിച്ചപ്പോഴാണ് സംഗതി പാളിയെന്ന് പലരും തിരിച്ചറിയുന്നത്. പാചകവാതക ക്ഷാമം തുടരുകയാണ്. ഗ്യാസ് സിലിണ്ടർ വരുമ്പോഴേക്കും പച്ചക്കറി വിലയും ഉയരും..അന്നം മുടങ്ങാതിരിക്കാനും ആരോഗ്യം സംരക്ഷിക്കാനും കൃഷിയിലേക്ക് മടങ്ങേണ്ടത് അത്യാവശ്യമാണ്. വേനൽക്കാലത്ത് കൃഷി ചെയ്യാൻ അനുയോജ്യമായ ചില പച്ചക്കറികൾ....തക്കാളി തക്കാളി കൃഷി ചെയ്യാനായി സ്ഥലം തിരഞ്ഞെടുക്കുമ്പോൾ നല്ല നീര്വാര്ച്ചയും, സൂര്യപ്രകാശവും ലഭിക്കുന്ന ഇടങ്ങൾ തിരഞ്ഞെടുക്കാൻ ശ്രദ്ധിക്കണം. ചട്ടികളിലോ, ബാഗുകളിലോ, ചാക്കുകളിലോ നമുക്ക് എളുപ്പത്തിൽ തക്കാളി കൃഷി ചെയ്യാവുന്നതാണ്..വെള്ളരിക്കവേഗത്തിൽ വിളവെടുക്കാവുന്ന ഒരു പച്ചക്കറയാണ് വെള്ളരിക്ക. ഏകദേശം 45 മുതൽ 50 ദിവസത്തിനുള്ളിൽ വിളവെടുപ്പിന് തയ്യാറാകും. മികച്ച വിളവ് ലഭിക്കാൻ പതിവായി വെള്ളം നനച്ചു കൊടുക്കണം..വെണ്ടയ്ക്കഉയർന്ന താപനിലയ്ക്ക് അനുയോജ്യമായ കൃഷിയാണിത്. 50 മുതൽ 65 ദിവസത്തിനുള്ളിൽ വിളവെടുക്കാം. എല്ലാത്തരം മണ്ണുമായും പൊരുത്തപ്പെടുന്ന ഇവയ്ക്ക് മിതമായ പരിചരണം മതിയാകും..ഇലക്കറികൾ ചീര പോലുള്ള ഇലക്കറികൾ 25 മുതൽ 40 ദിവസത്തിനുള്ളിൽ വിളവെടുപ്പിന് തയ്യാറാകും. സീസണിൽ ഒന്നിലധികം തവണ ഇവ വളർത്താം. മിതമായ പരിചരണം മാത്രമേ ആവശ്യമുള്ളൂ..തണ്ണിമത്തൻപച്ചക്കറിയല്ലെങ്കിലും വേനൽക്കാലത്ത് ഏറെ ഡിമാൻഡ് ഉള്ള തണ്ണിമത്തൻ നമ്മൾക്ക് വീട്ടിൽ തന്നെ വളർത്താം. ഏകദേശം 70 മുതൽ 80 ദിവസത്തിനുള്ളിൽ ഇവ വിളവെടുപ്പിന് പാകമാകും. നല്ല നീർവാർച്ചയുള്ള മണ്ണാണ് ഇതിന് ആവശ്യം. നല്ല സൂര്യപ്രകാശവും ആവശ്യമാണ്.
