മഴക്കാലത്ത് ഇലക്കറികൾ കഴിക്കുന്നതുമായി ബന്ധപ്പെട്ട് നിരവധി സംശങ്ങളാണ് ആളുകൾക്കുള്ളത്. പ്രത്യേകിച്ച് ചീര ഉപയോഗിക്കാമോ എന്നതാണ്..കാലാവസ്ഥ വ്യതിയാനങ്ങൾ ചീരയുടെ ഗുണത്തിൽ കുറവുണ്ടാക്കുന്നില്ല..എന്നാൽ മഴക്കാലത്ത് ഈർപ്പം കൂടുതലായതിനാൽ ചീരയിൽ കീടങ്ങൾ, ബാക്ടീരിയ, മണ്ണ് എന്നിവ കാണപ്പെടാം. അതുകൊണ്ട് തന്നെ ഇരട്ടി ശ്രദ്ധവേണമെന്ന് മാത്രം..മഴക്കാലത്ത് ചില കാര്യങ്ങൾ ശ്രദ്ധിക്കുകയാണെങ്കിൽ ഭക്ഷ്യവിഷബാധയില്ലാതെ ചീര കഴിക്കാം..ചീര കുറഞ്ഞത് രണ്ടോ മൂന്നോ തവണ ശുദ്ധജലത്തിൽ കഴുകണം. ഉപ്പുവെള്ളത്തിൽ 10-15 മിനിറ്റ് മുക്കിവെക്കുന്നത് നല്ലതാണ്. ഇത് ചെളിയും ചെറിയ കീടങ്ങളും പൂർണമായും നീക്കം ചെയ്യാൻ സഹായിക്കും..മങ്ങിയ നിറമുള്ളതോ ചീഞ്ഞതോ ആയ ഇലകൾ ഒഴിവാക്കുക, പുതിയതും പച്ചയും കട്ടിയുള്ള ഇലകൾ മാത്രം തിരഞ്ഞെടുക്കുക..മഴക്കാലത്ത് ചീര വേവിക്കാതെ ഉപയോഗിക്കുന്നത് ഒഴിവാക്കണം. കുറച്ച് സമയം ആവിയിൽ വേവിക്കുന്നത് നല്ലതാണ്..ഒരിക്കൽ പാകം ചെയ്ത ചീര ആവർത്തിച്ചു ചൂടാക്കി കഴിക്കരുത്. ഇത് ബാക്ടീരിയ വളർച്ചയ്ക്ക് കാരണമാകാം.പാചകത്തിന് മുമ്പ് കൈകൾ നന്നായി കഴുകുക. പാത്രങ്ങളും കത്തി/കട്ടിങ് ബോർഡും ശുചിയാക്കുക.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
