ഓഹരി വിപണിയിലെ പത്തുമുന്നിര കമ്പനികളില് ഒന്പതെണ്ണത്തിന്റെ വിപണി മൂല്യത്തില് 3.35 ലക്ഷം കോടി രൂപയുടെ വര്ധന.വെള്ളിയാഴ്ച അവസാനിച്ച ആഴ്ചയില് സെന്സെക്സ് 2876 പോയിന്റ് ആണ് മുന്നേറിയത്.റിലയന്സ് ആണ് ഏറ്റവുമധികം നേട്ടം ഉണ്ടാക്കിയത്. വിപണി മൂല്യത്തില് 1.06 ലക്ഷം കോടി രൂപയുടെ നേട്ടമാണ് സ്വന്തമാക്കിയത്. 19,71,139 കോടിയായാണ് വിപണി മൂല്യം ഉയര്ന്നത്.ടിസിഎസ് ആണ് രണ്ടാം സ്ഥാനത്ത്. 43,688 കോടിയുടെ നേട്ടത്തോടെ വിപണി മൂല്യം 12,89,106 കോടിയായാണ് ഉയര്ന്നത്.ഇന്ഫോസിസ് 34,281 കോടി, എച്ച്ഡിഎഫ്സി ബാങ്ക് 34,029 കോടി, ബജാജ് ഫിനാന്സ് 32,730 കോടി, ഐടിസി 15,142 കോടി, എസ്ബിഐ 11,111 കോടി, ഹിന്ദുസ്ഥാന് യൂണിലിവര് 11,054 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില് ഉണ്ടായ വര്ധന.ഭാരതി എയര്ടെലിന്റെ വിപണി മൂല്യത്തിലാണ് ഇടിവ്. 19,330 കോടിയുടെ ഇടിവാണ് നേരിട്ടത്.റിലയന്സ് തന്നെയാണ് ഇത്തവണയും ഏറ്റവും മൂല്യമുള്ള കമ്പനി.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
