പ്രമുഖ വാഹന നിര്മ്മാതാക്കളായ എംജിയുടെ ഇലക്ട്രിക് സൂപ്പര് കാര് ആണ് സൈബര്സ്റ്റര്. 75 ലക്ഷം രൂപയാണ് എക്സ് ഷോറൂം വില.എംജിയുടെ ഐതിഹാസിക വാഹനമായ റോഡ്സ്റ്ററിന്റെ ക്ലാസിക് യൂറോപ്യന് കണ്വേര്ട്ടബിള് ബോഡി സ്റ്റെലില് ആദ്യ ഇലക്ട്രിക് അവതാര് എന്ന നിലയിലാണ് സൈബര്സ്റ്റര് അവതരിപ്പിച്ചത്..ഒരു ബട്ടണില് സ്പര്ശിക്കുമ്പോള് തുറക്കുകയും അടയ്ക്കുകയും ചെയ്യുന്ന കത്രിക ഡോറുകള്, ഫ്ളോയിങ് റൂഫ്ലൈന്, സോഫ്റ്റ്-ടോപ്പ് കണ്വെര്ട്ടിബിള് റൂഫ്, ഡൈനാമിക് ടേണ് ഇന്ഡിക്കേറ്ററുകള് എന്നിവയാണ് ഡിസൈനിലെ പ്രത്യേകതകള്.യഥാര്ഥ പെര്ഫോമെന്സ് കാറുകള്ക്കൊപ്പം നില്ക്കുന്ന തരത്തിലാണ് അകത്തളത്തിന്റെ രൂപകല്പ്പന. കുത്തനെ ക്രമീകരിച്ചിരിക്കുന്ന ഇന്ഫൊടെയിന്മെന്റ് സിസ്റ്റം ഉള്പ്പടെ മൂന്ന് സ്ക്രീനുകളാണ് ഡാഷ് ബോര്ഡിലുള്ളത്..ഇന്ഫോടെയ്ന്മെന്റ് സിസ്റ്റത്തിനായി 7 ഇഞ്ച് ടച്ച്സ്ക്രീന്, ആന്ഡ്രോയിഡ് ഓട്ടോ, ആപ്പിള് കാര് പ്ലേ, വയര്ലെസ് ചാര്ജിങ്, ഡ്യുവല് സോണ് ക്ലൈമറ്റ് കണ്ട്രോള്, വെന്റിലേറ്റഡ് സീറ്റുകള്, ബോസിന്റെ പ്രീമിയം സൗണ്ട് സിസ്റ്റം എന്നിവയാണ് അകത്തളത്തിലെ മറ്റു പ്രത്യേകതകള്..സുരക്ഷാ കിറ്റില് നാല് എയര്ബാഗുകള്, 360-ഡിഗ്രി കാമറ, ഇലക്ട്രോണിക് സ്റ്റെബിലിറ്റി കണ്ട്രോള്, ടയര് പ്രഷര് മോണിറ്ററിങ് സിസ്റ്റം, പാര്ക്കിംഗ് സെന്സറുകള്, അഡാപ്റ്റീവ് ക്രൂയിസ് കണ്ട്രോളുള്ള ലെവല് 2 ADAS സ്യൂട്ട് എന്നിവ ഉള്പ്പെടുന്നു..77 kWh ബാറ്ററി പായ്ക്കും 510 PS ഉം 725 Nm ഉം നല്കുന്ന ഡ്യുവല് മോട്ടോറുകളും കൊണ്ട് സജ്ജീകരിച്ചിരിക്കുന്ന സൈബര്സ്റ്റര് വെറും 3.2 സെക്കന്ഡിനുള്ളില് 0-100 കിലോമീറ്റര് വേഗത കൈവരിക്കുന്നു. ഒറ്റ ചാര്ജില് 580 കിലോമീറ്റര് വരെ സഞ്ചരിക്കാം..4533 എംഎം നീളവും 1912 എംഎം വീതിയും 1328 എംഎം ഉയരവും 2689 എംഎം വീല്ബേസിലുമാണ് സൈബര്സ്റ്റര് ഒരുങ്ങിയിരിക്കുന്നത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
