കേന്ദ്രസര്ക്കാരിന്റെ പിന്തുണയോട് കൂടിയ, പോസ്റ്റ് ഓഫീസിന്റെ ലഘു സമ്പാദ്യ പദ്ധതികളില് ഒന്നാണ് മാസം തോറുമുള്ള വരുമാനം പദ്ധതി( (Monthly Income Scheme)..നിക്ഷേപ തുകയുടെ പലിശ പ്രതിമാസം ലഭിക്കുന്നതാണ് പദ്ധതിയുടെ ആകര്ഷണം. കേന്ദ്രസര്ക്കാരിന്റെ പിന്തുണയുള്ളത് കൊണ്ട് നിക്ഷേപം സുരക്ഷിതമാണ്..അഞ്ചുവര്ഷമാണ് കാലാവധി. 7.4 ശതമാനം പലിശയാണ് ലഭിക്കുക. ആയിരം രൂപ ഉണ്ടെങ്കില് പദ്ധതിയില് ചേരാം..സിംഗിള് അക്കൗണ്ടില് പരമാവധി 9 ലക്ഷം വരെ നിക്ഷേപിക്കാം. ജോയിന്റ് അക്കൗണ്ട് ആണെങ്കില് 15 ലക്ഷം രൂപയാണ് പരമാവധി നിക്ഷേപ പരിധി..ജോയിന്റ് അക്കൗണ്ടില് പ്രായപൂര്ത്തിയായ മൂന്ന് പേര്ക്ക് വരെ ചേരാം. പ്രായപൂര്ത്തിയാവാത്ത കുട്ടികള്ക്ക് വേണ്ടി രക്ഷിതാക്കള്ക്കും പദ്ധതിയില് ചേരാവുന്നതാണ്. കുട്ടിക്ക് പത്തുവയസിന് മുകളില് പ്രായം വേണം. പലിശ നികുതിവിധേയമാണ്..നിക്ഷേപം നടത്തി ഒരു വര്ഷത്തിനു ശേഷം 2 ശതമാനം കിഴിവോടെയും മൂന്നു വര്ഷത്തിനു ശേഷം 1 ശതമാനം കിഴിവോടെയും നിക്ഷേപത്തുക പിന്വലിക്കാവുന്നതാണ്. പലിശ മാസം തോറും റെക്കറിംഗ് ഡെപ്പോസിറ്റില് നിക്ഷേപിച്ചാല് കാലാവധി ആകുമ്പോള് നല്ല ഒരു തുക ലഭിക്കും..ഉദാഹരണമായി ഈ പദ്ധതിയില് 9 ലക്ഷം രൂപ നിക്ഷേപിക്കുകയാണെങ്കില് മാസം 5500 രൂപ വീതം വരുമാനം ലഭിക്കും. ജോയിന്റ് ആയി അക്കൗണ്ടില് 15 ലക്ഷം രൂപ നിക്ഷേപിക്കുകയാണെങ്കില് മാസം 9250 രൂപ ലഭിക്കും എന്നതാണ് ഈ പദ്ധതിയുടെ പ്രത്യേകത..അഞ്ചുവര്ഷത്തേയ്ക്കാണ് പദ്ധതി. അഞ്ചുവര്ഷം കഴിഞ്ഞാല് നിക്ഷേപിച്ച തുക പൂര്ണമായി തിരികെ ലഭിക്കും. കാലാവധി കഴിഞ്ഞാല് പണം പിന്വലിച്ച ശേഷം പുതിയ അക്കൗണ്ട് തുറന്ന് വീണ്ടും അഞ്ചുവര്ഷത്തേയ്ക്ക് നിക്ഷേപിക്കാനുള്ള സൗകര്യവുമുണ്ട്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
