സാരന്ദ വനം, ജാര്ഖണ്ഡ് - 820 ചതുരശ്ര കിലോമീറ്റര് വിസ്തൃതിയില് വ്യാപിച്ചുകിടക്കുന്ന സാരന്ദ വനത്തില് ഹോ ജനത വസിക്കുന്നു. വന്യജീവികളാല് സമ്പന്നമായ വനത്തിന് 'സാരന്ദ' എന്ന പേര് ലഭിച്ചത് ജലസ്രോതസ്സുകള്, പച്ചപ്പ്, വൈവിധ്യമാര്ന്ന ആവാസവ്യവസ്ഥ എന്നിവ കാരണമാണ്..സുന്ദര്ബന്സ് വനം, പശ്ചിമ ബംഗാള് -ലോകത്തെ തന്നെ സജീവമായ ഡെല്റ്റ പ്രദേശമാണിത്. ഇന്ത്യയിലും ബംഗ്ലാദേശിലുമായി വ്യാപിച്ചു കിടക്കുന്നു. 260 പക്ഷിവര്ഗങ്ങളുള്ള ഇവിടം ബംഗാള് കടുവകള്ക്ക് പേരു കേട്ട ഇടമാണ്..നംദഫ നാഷണല് പാര്ക്ക് - ഇന്ത്യയിലെ നാലാമത്തെ വലിയ ദേശീയോദ്യാനമാണിത്. കിഴക്കന് ഹിമാലയത്തോട് ചേര്ന്ന് 1,985 ചതുരശ്ര കിലോമീറ്ററില് വ്യാപിച്ച് കിടക്കുന്നു. അരുണാചല് പ്രദേശിലാണ് ഇത് സ്ഥിതി ചെയ്യുന്നത്..നീലഗിരി - പശ്ചിമ- പൂര്വ ഘട്ടങ്ങള്ക്ക് അഭിമുഖമായി കാണുന്നു. പുഷ്പിക്കുന്ന 3500ളം സസ്യവര്ഗങ്ങള് ഇവിടെ കാണാം. കേരളം, തമിഴ്നാട്, കര്ണാടക എന്നിവിടങ്ങളിലായി വ്യാപിച്ച് കിടക്കുന്നു..മാവ്ഫ്ലാങ് പുണ്യവനം, മേഘാലയ- 192 ഏക്കറില് വ്യാപിച്ചുകിടക്കുന്ന മാവ്ഫ്ലാങ് പുണ്യവനം, പുള്ളിപ്പുലിയുടെയോ കടുവയുടെയോ രൂപമെടുക്കുന്ന പ്രാദേശിക ദേവതയായ ലബാസയുടെ പുണ്യസ്ഥലമായി കണക്കാക്കപ്പെടുന്നു..പിച്ചാവരം കണ്ടല്ക്കാടുകള്, തമിഴ്നാട് -ലോകത്തിലെ ഏറ്റവും വലിയ രണ്ടാമത്തെ കണ്ടല്ക്കാടായി ഇതറിയപ്പെടുന്നു. 2004-ലെ സുനാമിയില് ഉള്നാടന് പ്രദേശങ്ങളെ സംരക്ഷിച്ചുകൊണ്ട് ഒരു ബഫര് സോണായിരുന്നു ഇവിടം..ഖാസി ഹില്സ്, മേഘാലയ - 'കിഴക്കിന്റെ സ്കോട്ട്ലന്ഡ്' എന്ന് വിളിക്കപ്പെടുന്ന ഖാസി ഹില്സില് ഷില്ലോങ് പീഠഭൂമിയിലെ താഴ്ന്ന പര്വത രൂപങ്ങള്, ഖാസി ജനതയുടെ ആചാരങ്ങളില് പേരുകേട്ട ഇടം.
