ഇന്ത്യൻ പോസ്റ്റ് വിവിധ പലിശ നിരക്കുകളിൽ വിവിധ കാലാവധിയുള്ള സമ്പാദ്യ പദ്ധതികൾ രാജ്യത്തെ നിക്ഷേപകർക്കായി ഒരുക്കിയിട്ടുണ്ട്..അതിൽ ഏറ്റവും ശ്രദ്ധേയമായത് മുതിർന്ന പൗരന്മാരുടെ സാമ്പത്തിക സുരക്ഷയ്ക്കായുള്ള സീനിയർ സിറ്റിസൺ സേവിങ്സ് സ്കീം (SCSS) ആണ്..60 വയസോ അതിലധികമോ പ്രായമുള്ളവർക്കായുള്ള ഈ പദ്ധതി, ഭദ്രമായ വരുമാന സ്രോതസ്സായി വിശ്രമകാല ജീവിതത്തെ സുരക്ഷിതമാക്കുന്നു..സ്വയം വിരമിക്കൽ സ്വീകരിച്ചവർക്കും ഈ പദ്ധതിയിൽ നിക്ഷേപം നടത്താവുന്നതാണ്..അക്കൗണ്ട് വ്യക്തിഗതമായോ പങ്കാളിയുമായി സംയുക്തമായോ മാത്രമേ തുറക്കാൻ കഴിയൂ..SCSS- ലേക്കുള്ള നിക്ഷേപത്തിന്റെ പ്രധാന ആകർഷണങ്ങൾ എന്തൊക്കെയെന്ന് നോക്കാം.നിലവിൽ 8.2% പലിശ നിരക്ക്.ഒറ്റത്തവണ നിക്ഷേപ രീതിയിൽ രൂപകൽപ്പന ചെയ്ത പദ്ധതിയാണിത്.പരമാവധി നിക്ഷേപം 30 ലക്ഷം രൂപയാണ്.കുറഞ്ഞ നിക്ഷേപ തുക 1,000 രൂപയും.നിക്ഷേപ കാലാവധി 5 വർഷം.SCSS നിക്ഷേപം വഴി നിക്ഷേപകർക്ക് കൃത്യമായ പലിശ വരുമാനവും കാലാവധി പൂർത്തിയാകുമ്പോൾ മുഴുവൻ നിക്ഷേപ തുകയും ലഭ്യമാകും..അടുത്തിടെ വിരമിച്ചവർക്കും സ്ഥിരമായ വരുമാനം ആഗ്രഹിക്കുന്നവർക്കും ഈ പദ്ധതി ഉയർന്ന സുരക്ഷയും ഉറപ്പുള്ള വരുമാനവുമാണ് വാഗ്ദാനം ചെയ്യുന്നത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
