വിവാദവ്യവസായി വിജയ് മല്ല്യയുടെ മകൻ സിദ്ധാര്ഥ മല്ല്യയും കാമുകി ജാസ്മിനും വിവാഹിതരായി..ലണ്ടനിൽ നടന്ന ഇന്റിമേറ്റ് വെഡിങ് ചിത്രങ്ങൾ പങ്കുവെച്ചാണ് വിവാഹ വാർത്ത ഇരുവരും അറിയിച്ചത്..2023 ലെ ഹാലോവീന് ദിനത്തിലാണ് ഏറെക്കാലമായി പ്രണയത്തിലായിരുന്ന ജാസ്മിനെ ജീവിതം പങ്കിടാന് ക്ഷണിച്ചതറിയിച്ച് സിദ്ധാര്ഥ ചിത്രങ്ങള് പങ്കുവെച്ചത്..ഇൻസ്റ്റഗ്രാം സ്റ്റോറിയിലൂടെ വിവാഹ ചിത്രങ്ങൾ ആദ്യം പങ്കുവെച്ചത് ജാസ്മിനാണ്. വിവാഹമോതിരം അണിഞ്ഞ ഇരുവരുടെയും കൈകളാണ് 'ഫോറെവർ' എന്ന കാപ്ഷനോടെ ജാസ്മിൻ പങ്കുവെച്ചത്. ഇതിനു പിന്നാലെയാണ് സിദ്ധാർഥ 'മിസ്റ്റർ ആൻഡ് മിസ്സിസ് മപ്പറ്റ്' എന്ന കാപ്ഷനോടെ ഇരുവരും ചേർന്നുള്ള വിവാഹ ചിത്രങ്ങൾ പങ്കുവെച്ചത്..ഒരാഴ്ച മുമ്പ് തന്റെ കാമുകി ജാസ്മിനുമായുള്ള വിവാഹവിവരം സിദ്ധാർഥ മല്ല്യ ഇൻസ്റ്റഗ്രാമിലൂടെ അറിയിച്ചിരുന്നു..വിവാഹവാരത്തിന് തുടക്കമായി' എന്ന കുറിപ്പോടെ ഭാവിവധു ജാസ്മിനെ ചേര്ത്തുപിടിച്ചു നില്ക്കുന്ന ചിത്രം സിദ്ധാര്ഥ നേരത്തെ പങ്കുവെച്ചിരുന്നു.
