ഇന്ന് ലോക ആരോഗ്യ ദിനം. 1948ൽ ലോകാരോഗ്യ സംഘടന സ്ഥാപിതമായതിന്റെ വാർഷികത്തോടനുബന്ധിച്ചാണ് ഈ ദിനം ആചരിക്കുന്നത്. 'ആരോഗ്യത്തിന് വേണ്ടി, ശാസ്ത്രത്തിനൊപ്പം നിൽക്കാം' എന്നതാണ് ഇത്തവണത്തെ പ്രമേയം. ആരോഗ്യം സംരക്ഷിക്കാൻ ചില കാര്യങ്ങൾ ശ്രദ്ധിക്കണം..'ശരീരം അനങ്ങട്ടെ'ദിവസവും കുറഞ്ഞത് 20 മിനിറ്റ് വ്യായാമത്തിനായി മാറ്റിവയ്ക്കാം. നടത്തം പോലുള്ള ലളിതമായ വ്യായാമങ്ങൾ ഊർജ്ജനില നിലനിർത്താനും മാനസികാവസ്ഥ മെച്ചപ്പെടുത്താനും സഹായിക്കും..'ആസ്വദിച്ച് കഴിക്കാം'ഭക്ഷണക്രമം ആരോഗ്യകരമായിക്കണമെന്ന പോലെ തന്നെ പ്രധാനമാണ് അത് ആസ്വദിച്ച് കഴിക്കുകയെന്നതും. ഇത് അമിതമായി ഭക്ഷണം കഴിക്കുന്നത് തടയാൻ സഹായിക്കും..'ഉറക്കം നേരെയാക്കാം'ദിവസവും ഒരേ സമയം ഉറങ്ങാനും ഉണരാനും ശ്രമിക്കുക. കൃത്യമായ ഉറക്കം ബോഡി ക്ലോക്ക് നിയന്ത്രിക്കാൻ സഹായിക്കും. ഇത് ആരോഗ്യം മെച്ചപ്പെടുത്തും..'സ്ക്രീൻ ടൈം കുറയ്ക്കാം'അമിത സ്ക്രീൻ ടൈം ഉറക്കത്തെ തടസപ്പെടുത്താനും ശരീരത്തിന് ക്ഷീണം അനുഭവപ്പെടാനും കാരണമാകുന്നു. മൊബൈൽ നോക്കേണ്ടതിന് സമയം ക്രമീകരിക്കുക..'പല്ലു തേപ്പ് മുഖ്യം'ദിവസവും രണ്ട് നേരം പല്ലുകൾ തേക്കാൻ മറക്കരുത്. ഇത് ദന്തസംരക്ഷണത്തിനും ഉറക്കം മെച്ചപ്പെടുത്താനും മൊത്തത്തിലുള്ള ആരോഗ്യത്തിനും പ്രധാനമാണ്..'വെള്ളം കുടിക്കാൻ മറക്കരുത്'പകൽ സമയത്ത് രണ്ട്, മൂന്ന് ലിറ്റർ വെള്ളമെങ്കിലും കുടിക്കാൻ ശ്രമിക്കുക. വെള്ളം കുടിക്കുന്നത് ശരീരത്തിൽ ജലാംശം നിലനിർത്താനും ആരോഗ്യം മെച്ചപ്പെടുത്താനും സഹായിക്കും.
