കേരളത്തില് കാലവര്ഷം എത്തിയതായി ഔദ്യോഗിക അറിയിപ്പ്..പതിവില് നിന്നും എട്ട് ദിവസം നേരത്തെയാണ് കേരളത്തില് കാലവര്ഷം ആരംഭിച്ചിരിക്കുന്നത്..15 വര്ഷത്തിന് ശേഷമാണ് തെക്ക് പടിഞ്ഞാറന് മണ്സൂണ് ഇത്ര നേരത്തെ എത്തുന്നത് എന്ന് കേന്ദ്ര കാലാവസ്ഥ നീരീക്ഷണ കേന്ദ്രം അറിയിച്ചു..സാധാരണ ജൂണ് ഒന്നിനാണ് കാലാവര്ഷം കേരളത്തില് എത്തുക. എന്നാല് ഈ വര്ഷം ഒരാഴ്ച മുമ്പേ കാലവര്ഷം കേരളത്തില് എത്തി. 2009 ല് മെയ് 23നായിരുന്നു കാലവര്ഷം എത്തിയത്. കഴിഞ്ഞ വര്ഷം മെയ് 30നുമെത്തി..മണ്സൂണ് തീരത്ത് എത്തിയതിന് പിന്നാലെ സംസ്ഥാനത്ത് മഴ ശക്തമായി. ഇന്ന് മുതല് വടക്കന് കേരളത്തില് മഴ കനക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്..മഴ മുന്നറിയിപ്പ് പ്രകാരം സംസ്ഥാനത്തെ രണ്ട് ജില്ലകളില് ഇന്ന് റെഡ് അലര്ട്ട് നിലവിലുണ്ട്. 9 ജില്ലകളില് ഓറഞ്ച് അലര്ട്ടും മൂന്ന് ജില്ലകളില് യെല്ലോ അലര്ട്ടും നിലനില്ക്കുന്നു..ഞായര്, തിങ്കള് ദിവസങ്ങളില് വടക്കന് ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്..മണ്സൂണ് രാജ്യത്ത് എത്തിയതിന് പിന്നാലെ കിഴക്കന് മധ്യ അറബിക്കടലിലും അതിനോട് ചേര്ന്നുള്ള തെക്കന് കൊങ്കണ് തീരത്ത് ന്യൂനമര്ദം രൂപം കൊണ്ടു..കിഴക്കന്-മധ്യ അറബിക്കടലിലും അതിനോട് ചേര്ന്നുള്ള തെക്കന് കൊങ്കണ് തീരത്തും രൂപം കൊണ്ട ന്യൂന മര്ദം കിഴക്കോട്ട് കിഴക്ക് ദിശയിലേക്ക് സാവധാനം നീങ്ങുന്നു..ന്യൂന മര്ദം ശനിയാഴ്ച ഉച്ചയോടെ രത്നഗിരിക്കും ദാപോളിക്കും ഇടയില് ഒരു ന്യൂനമര്ദമായി തെക്കന് കൊങ്കണ് തീരം തൊട്ടേയ്ക്കും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
