എത്രയൊക്കെ ശ്രമിച്ചാലും നല്ല മൃദുവായ ചപ്പാത്തിയുണ്ടാക്കാൻ ചിലപ്പോൾ പറ്റാറില്ല..വ്യത്യസ്തമായ രുചിയിൽ, നല്ല മൃദുവായ ചപ്പാത്തി ഉണ്ടാക്കുന്നതെങ്ങനെ എന്ന് നോക്കാം..ഗോതമ്പ് പൊടി ആദ്യം തന്നെ ഒന്ന് അരിച്ചെടുക്കുന്നത് നല്ലതാണ്. അതിനുശേഷം ഒരു ടേബിൾസ്പൂൺ ചെറുചൂടുള്ള എണ്ണ മാവിലേക്ക് ഒഴിച്ച്, നന്നായി കുഴച്ചെടുക്കുക. എന്നിട്ടുവേണം വെള്ളമൊഴിച്ച് കുഴയ്ക്കാൻ..ചെറുചൂടുവെള്ളത്തിലാണ് മാവ് കുഴയ്ക്കേണ്ടത്. നന്നായി കുഴച്ചുകഴിഞ്ഞാൽ, മുകളിൽ അല്പംകൂടി എണ്ണ തൂവിക്കൊടുക്കാം. എന്നിട്ട് 10 മിനിറ്റ് നേരം മൂടിവെക്കാം. മൂടിമാറ്റിയശേഷം ഒന്നുകൂടി മാവ് കുഴയ്ക്കുക. വീണ്ടും അഞ്ചുമിനിറ്റ് വെച്ചശേഷം, പരത്തിയെടുക്കാം..നല്ല മൃദുവായ ചപ്പാത്തി ഉണ്ടാക്കുന്നതിനായി, ചപ്പാത്തിമാവിൽ മുട്ടയോ വെണ്ണയോ തൈരോ പാലോ ഒഴിച്ച് കൊടുക്കാം. മുട്ട നന്നായി അടിച്ചെടുത്തിന് ശേഷമാണ് ഉപയോഗിക്കേണ്ടത്. തൈരും വെണ്ണയും ഉപയോഗിക്കുന്നതും ഇങ്ങനെ തന്നെ. പാൽ ഉപയോഗിക്കുമ്പോൾ ചെറിയ ചൂട് വേണം..മൃദുവായ ചപ്പാത്തി തയ്യാറാക്കുന്നതിനായി നെയ്യ് ചേർക്കുന്നതും നല്ലതാണ്. പൊടിയിലേക്ക് ആദ്യം ഒരു ടേബിൾസ്പൂൺ ചെറുചൂടുള്ള നെയ്യ് ചേർത്തിളക്കുക. അതിനുശേഷം ചെറുചൂടുവെള്ളത്തിൽ കുഴച്ചെടുക്കാം..സോഫ്റ്റ് ചപ്പാത്തി ലഭിക്കാൻ ചപ്പാത്തി എപ്പോഴും മീഡിയം ഫ്ളെയിമില് പാകം ചെയ്തെടുക്കുക. .Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
