മലയാളികള്ക്ക് പൊതുവേ പ്രിയപ്പെട്ട പലഹാരമാണ് ദോശ..എന്നാല് ദോശ തയ്യാറാക്കാന് വേണ്ടി അരച്ചുവച്ച മാവ് അധികം പുളിച്ച് പോയാൽ ദോശയുടെ രുചി നഷ്ടമാവും..ഇതൊഴിവാക്കാന് നമുക്ക് ചില പൊടിക്കൈകള് പരീക്ഷിക്കാം..ദോശമാവ് ഒഴിച്ചുവെയ്ക്കുന്ന പാത്രത്തില് ഒരു തുള്ളി പോലും വെള്ളം ഇല്ലാതിരിക്കാന് ശ്രദ്ധിക്കണം. വെള്ളം പലപ്പോഴും ദോശമാവിനെ പുളിപ്പിക്കും..ദോശമാവില് ഒരു നുള്ള് പഞ്ചസാര ചേര്ത്താല് അമിതപുളി ഇല്ലാതാക്കാം. എന്നാല് പഞ്ചസാരയുടെ അളവ് കൂടാന് പാടില്ല. പഞ്ചസാര മാവിന്റെ രുചി സന്തുലിതമാക്കുന്നതിനും പുളി ഉണ്ടെങ്കില് അത് കുറയ്ക്കുന്നതിനും സഹായിക്കും..ഇനി ദോശമാവ് നല്ലതുപോലെ പുളിച്ചിരിക്കുകയാണെങ്കില് അതിലേക്ക് അല്പം അരിമാവ് കൂടി ചേര്ക്കാം. എന്നിട്ട് അരമണിക്കൂര് മാറ്റി വെയ്ക്കാം. ഇങ്ങനെ ചെയ്യുമ്പോള് മാവിന്റെ പുളി കുറയും..ദോശമാവ് ഒരിക്കലും ചൂടുള്ള സ്ഥലത്ത് സൂക്ഷിക്കാൻ പാടില്ല. കാരണം ഉയർന്ന ഊഷ്മാവിലാണ് മാവ് പെട്ടന്ന് പുളിക്കുന്നത്. ദോശമാവ് ഫ്രിഡ്ജില് തന്നെ സൂക്ഷിക്കാന് ശ്രദ്ധിക്കാം..ദോശമാവില് പലരും ഉഴുന്ന് കൂടുതല് ഉപയോഗിക്കാറുണ്ട്, കൂടെ ഉലുവയും ചേര്ക്കും. എന്നാല് ഇവ രണ്ടും അധികമായാൽ ദോശമാവ് പെട്ടന്ന് പുളിക്കും.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
