തിരുവനന്തപുരം : സംസ്ഥാനത്ത് ഇന്ധന വില വീണ്ടും കൂടി. പെട്രോളിന് ഏഴും ഡീസലിന് ഒമ്പതും പൈസയാണ് ഇന്ന് കൂടിയത്. തുടര്‍ച്ചയായ മൂന്ന് ദിവസങ്ങള്‍ക്ക് ശേഷമാണ് വിലയില്‍ വ്യത്യാസം ഉണ്ടാകുന്നത്. 

കൊച്ചിയില്‍ ഒരു ലിറ്റര്‍ പെട്രോളിന് ഇന്നത്തെ വില 74.95 രൂപയാണ്. ഡീസല്‍ വില 69.99 രൂപയും. തിരുവനന്തപുരത്ത് പെട്രോള്‍, ഡീസല്‍ വില യഥാക്രമം 76.29 രൂപ, 71.34 രൂപ എന്നിങ്ങനെയാണ്. 

കോഴിക്കോട് ഒരു ലിറ്റര്‍ പെട്രോളിന്റെ വില 75 രൂപ 28 പൈസയാണ്. ഡീസല്‍ വില 70 രൂപ 31 പൈസയുമാണ്.