ന്യൂഡൽഹി : ടെലികോം രം​ഗത്തെ മൽസരത്തിൽ വിപണി പിടിക്കുക ലക്ഷ്യത്തോടെ പൊതുമേഖലാ സ്ഥാപനമായ ബിഎസ്എൻഎൽ. ജൂലൈ ഒന്നു മുതൽ ബിഎസ്എൻഎൽ അഖിലേന്ത്യാതലത്തിൽ പുതിയ മൂന്ന് ബ്രോഡ്ബാൻഡ് പ്ലാനുകൾ കൂടി അവതരിപ്പിക്കുന്നു. ദിവസേന 3 ജിബി വരെ ഹൈസ്പീഡ് ഇന്റർനെറ്റ് നൽകുന്ന പ്ലാനുകളാണ് കുറഞ്ഞ നിരക്കിൽ അവതരിപ്പിക്കുന്നത്. 

എട്ട് എംബിപിഎസ് വരെ വേഗമുള്ള രണ്ടു പ്ലാനുകളിൽ ദിവസേന 2 ജിബി ഹൈസ്പീഡ് ഇന്റർനെറ്റ് ഉപയോഗിക്കാനാകും. പ്രതിമാസ വാടക യഥാക്രമം 249 രൂപയും 299 രൂപയുമാണ്. ഡേറ്റാ ലിമിറ്റ് കഴിഞ്ഞാലും 1 എംബിപിഎസ് വേഗത്തിൽ അധിക ചാർജുകളില്ലാതെ ഉപയോഗിക്കാം. 499 രൂപയുടെ പ്ലാനിലാണു ദിവസേന 3 ജിബി വീതം ഹൈസ്‍പീഡ് ഇന്റർനെറ്റ് ഉപയോഗം സാധിക്കുക.

അടുത്തിടെ ബിഎസ്എൻഎൽ അവതരിപ്പിച്ച സൂപ്പർസ്റ്റാർ 300 ബ്രോഡ്ബാൻഡ് പ്ലാൻ ഏറെ ശ്രദ്ധ നേടിയിരുന്നു. പ്രതിമാസം 749 രൂപയ്ക്ക് 50 എംബിപിഎസ് വേഗത്തിൽ 300 ജിബി ഡേറ്റയും ഹോട്ട്സ്റ്റാർ പ്രീമിയം സബ്സ്ക്രിപ്ഷനുമാണ് ഈ പ്ലാനിലുള്ളത്.