സംസ്ഥാനത്ത് പെട്രോൾ വിലയും റെക്കോർഡിൽ ; 88 രൂപയിലെത്തി

കൊച്ചി : സംസ്ഥാനത്ത് ഡീസലിന് പിന്നാലെ പെട്രോൾ വിലയും റെക്കോർഡിലെത്തി. പെട്രോൾ ലിറ്ററിന് 35 പൈസയാണ് കൂടിയത്. ഡീസൽ ലിറ്ററിന് 37 പൈസയും കൂടി. കൊച്ചി ന​ഗരത്തിൽ ഒരു ലിറ്റർ പെട്രോൾ വില 86.32 പൈസയായി ഉയർന്നു.

തിരുവനന്തപുരം ന​ഗരത്തിൽ ഒരു ലിറ്റർ പെട്രോളിന്റെ വില 88 രൂപയായി. ​ഗ്രാമപ്രദേശങ്ങളിൽ  പെട്രോൾ വില 89.90 രൂപയായി.  2018 ഒക്ടോബറിലെ 85.99 രൂപയെന്ന റെക്കോർഡാണ് തകർന്നത്. 

ഡീസലിന് കൊച്ചിയിൽ ലിറ്ററിന് 80.51 രൂപ എന്ന നിലയിലാണ്. അന്താരാഷ്ട്ര വിപണിയില്‍ എണ്ണ വില കുറഞ്ഞിരിക്കുന്ന സാഹചര്യത്തിലാണ് വീണ്ടും രാജ്യത്ത് എണ്ണക്കമ്പനികള്‍ വില കൂട്ടിയിരിക്കുന്നത്.