ഏഴാം ക്ലാസ് പാസായവർക്ക് കൊച്ചിൻ ഷിപ്പ്‌യാർഡിൽ അവസരം; സ്രാങ്ക്,എഞ്ചിൻ ഡ്രൈവർ തസ്തിക

കേന്ദ്ര സർക്കാർ സ്ഥാപനമായ കൊച്ചിൻ ഷിപ്പ്‌യാർഡ് ലിമിറ്റഡ് (CSL) ബോട്ട് ക്രൂ വിഭാഗത്തിലെ വിവിധ തസ്തികകളിൽ നിയമനം നടത്തുന്നു. സ്രാങ്ക് (Serang), എഞ്ചിൻ ഡ്രൈവർ (Engine Driver) എന്നീ തസ്തികകളിലായി ആകെ 8 ഒഴിവുകളാണ് റിപ്പോർട്ട് ചെയ്തിരിക്കുന്നത്. ബന്ധപ്പെട്ട ജോലിയിൽ പ്രവൃത്തി പരിചയം ഉള്ളവർക്ക് ആണ് അവസരം. അപേക്ഷകൾ ഓൺലൈനായി ജൂലൈ 22 വരെ സമർപ്പിക്കാം.

വിദ്യാഭ്യാസ യോഗ്യത

രണ്ട് തസ്തികകൾക്കും ഏഴാം ക്ലാസ് പാസായിരിക്കണം.

സ്രാങ്ക് തസ്തിക- 6 ഒഴിവുകൾ

• Inland Vessels Act, 2021 പ്രകാരം അംഗീകൃത അതോറിറ്റി നൽകുന്ന Serang / Lascar cum Serang സർട്ടിഫിക്കറ്റ് ഉണ്ടായിരിക്കണം.

• മോട്ടോർ ബോട്ടിൽ കുറഞ്ഞത് ഒരു വർഷത്തെ സ്രാങ്ക് ആയുള്ള പ്രവൃത്തിപരിചയം ആവശ്യമാണ്.

എഞ്ചിൻ ഡ്രൈവർ തസ്തിക - 2 ഒഴിവുകൾ

• Inland Vessels Act, 2021 പ്രകാരമുള്ള എഞ്ചിൻ ഡ്രൈവർ സർട്ടിഫിക്കറ്റ് ഉണ്ടായിരിക്കണം.

• മോട്ടോർ ബോട്ടിൽ കുറഞ്ഞത് ഒരു വർഷത്തെ എഞ്ചിൻ ഡ്രൈവർ പ്രവൃത്തിപരിചയം ഉണ്ടായിരിക്കണം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

പ്രായപരിധി

• പരമാവധി പ്രായം: 45 വയസ് (2026 ജൂലൈ 22 പ്രകാരം)

• OBC (Non-Creamy Layer) വിഭാഗത്തിന് 3 വർഷത്തെ പ്രായ ഇളവ് ലഭിക്കും.

ശമ്പളം

ആദ്യ വർഷം പ്രതിമാസം 23,300 രൂപ ഏകീകൃത ശമ്പളമായി ലഭിക്കും. തുടർന്നുള്ള വർഷങ്ങളിൽ വാർഷിക വർധന ലഭിക്കും. സാധാരണ ജോലി സമയത്തിന് പുറമേ ചെയ്യുന്ന അധിക ജോലിക്ക് അധിക പ്രതിഫലവും നൽകും.

തെരഞ്ഞെടുപ്പ് രീതി

• ഉദ്യോഗാർഥികളെ 100 മാർക്കിന്റെ പ്രാക്ടിക്കൽ ടെസ്റ്റ് വഴിയാണ് തെരഞ്ഞെടുക്കുക.

• അപേക്ഷകളുടെ പരിശോധനയ്ക്ക് ശേഷം യോഗ്യരായവരെ മാത്രം പ്രാക്ടിക്കൽ ടെസ്റ്റിന് ക്ഷണിക്കും.

• പരീക്ഷ കൊച്ചിയിലെ ഷിപ്പ്‌യാർഡിൽ നടക്കും.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cochinshipyard.in/uploads/career.pdf