ജെഇഇ അഡ്വാൻസ്ഡ്: പരീക്ഷ മേയ് 17 ന്, വിദ്യാർത്ഥികൾ ഇക്കാര്യം അറിഞ്ഞിരിക്കണം

രാജ്യത്തെ ഐ ഐ ടികളുൾപ്പെടയുള്ള മികച്ച സ്ഥാപനങ്ങളിൽ എൻജിനിയറിങ് ബിരുദ പ്രോഗ്രാമുകളി​ലേക്ക് നടത്തുന്ന പ്രവേശന പരീക്ഷയായ ജെ.ഇ.ഇ അഡ്വാൻസ്ഡ് അടുത്ത വർഷം മേയ് 17നാണ് നടക്കുന്നത്. പരീക്ഷയുമായി ബന്ധപ്പെട്ട കൂടുതൽ വിവരങ്ങൾ റൂർക്കീ ഐ ഐ ടി പുറത്തിറക്കി. വിശദമായി പരിശോധിക്കാം.

ജെ ഇ ഇ മെയിൻ 2026 ലെ റാങ്ക് ജേതാക്കളിൽ 2.5 ലക്ഷം പേർക്ക് മാത്രമേ ജെ ഇ ഇ അഡ്വാൻസ്ഡ് പരീക്ഷയിൽ പങ്കെടുക്കാൻ കഴിയൂ. പ്രായപരിധി,പരീക്ഷ എഴുതാനുള്ള അവസരങ്ങളുടെ എണ്ണം, പന്ത്രണ്ടാം ക്ലാസ് യോഗ്യതാ മാനദണ്ഡങ്ങൾ തുടങ്ങിയവ മനസിലാക്കി വേണം വിദ്യാർത്ഥികൾ അപേക്ഷകൾ സമർപ്പിക്കാൻ.

ജെഇഇ അഡ്വാൻസ്ഡിന് തുടർച്ചയായ 2 വർഷങ്ങളിൽ രണ്ട് തവണ മാത്രമേ പരീക്ഷ എഴുതാൻ കഴിയുകയുള്ളു. സംവരണ ക്രമം പാലിച്ചാകും പരീക്ഷയ്ക്ക് വേണ്ടിയുള്ള വിദ്യാർത്ഥികളുടെ ലിസ്റ്റ് തയ്യാറാക്കുക. ഓപ്പൺ, ജെ ഇ എൻ-ഇ ഡബ്ല്യു എസ്, ഒ ബി സി-എൻ സി എൽ, എസ് സി& എസ്ടി, പി ഡബ്ല്യു ഡി റിസർവേഷനുകൾ ഉൾപ്പെടുന്നു.

ഇനി വിദ്യാർത്ഥികൾ ചെയ്യേണ്ടത്

• ഫിസിക്സ്, കെമിസ്ട്രി, മാത്തമാറ്റിക്സ് എന്നി വിഷയങ്ങളിൽ കൂടുതൽ ശ്രദ്ധ നൽകി പഠിക്കുക.

• മുൻവർഷങ്ങളിലെ ജെഇഇ അഡ്വാൻസ്ഡ് പേപ്പറുകളും മോക്ക് ടെസ്റ്റുകളും പരിശീലിക്കുക.

• ഔദ്യോഗിക പരീക്ഷാ തീയതിയെ അടിസ്ഥാനമാക്കി വ്യക്തിഗതമാക്കിയ ഒരു ടൈംടേബിൾ സൂക്ഷിക്കുക.

• ഡോക്യുമെന്റുകൾ, സർട്ടിഫിക്കറ്റുകൾ, ജെഇഇ മെയിൻ 2026 വിശദാംശങ്ങൾ എന്നിവ രജിസ്ട്രേഷനായി തയ്യാറായി സൂക്ഷിക്കുക.

• ബ്രോഷർ, അഡ്മിറ്റ് കാർഡുകൾ, ഉത്തരസൂചികകൾ എന്നിവയെക്കുറിച്ചുള്ള അപ്‌ഡേറ്റുകൾക്കായി ഔദ്യോഗിക വെബ്സൈറ്റുകളും പതിവായി സന്ദർശിക്കുക.