50,000 രൂപ വില, അൾട്രാസോണിക് ഇൻ-ഡിസ്പ്ലേ ഫിംഗർപ്രിന്റ് സെൻസർ; റിയൽമിയുടെ പുതിയ ഫോൺ രണ്ടാഴ്ചയ്ക്കകം

മുംബൈ: പ്രമുഖ സ്മാർട്ട്‌ഫോൺ നിർമ്മാതാക്കളായ റിയൽമിയുടെ ജിടി 8 സീരീസ് നവംബർ മൂന്നാമത്തെ ആഴ്ചയിൽ ഇന്ത്യൻ വിപണിയിൽ അവതരിപ്പിക്കും. ഈ സീരീസിന് കീഴിൽ രണ്ടു ഫോണുകളാണ് വിപണിയിൽ അവതരിപ്പിക്കുക. ജിടി 8, ജിടി 8 പ്രോ എന്നി വേരിയന്റുകളാണ് വിൽപ്പനയ്ക്ക് എത്തുക. ജിടി 8 പ്രോയ്ക്ക് ഏകദേശം 50000 രൂപയാണ് വില പ്രതീക്ഷിക്കുന്നത്.

രണ്ട് സ്മാർട്ട്ഫോണുകളിലും ഏറ്റവും പുതിയ ക്വാൽകോം സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ് ഉണ്ടായിരിക്കും. ഇത് പ്രീമിയം പ്രകടനവും മെച്ചപ്പെട്ട പവർ കാര്യക്ഷമതയും വാഗ്ദാനം ചെയ്യും. ജിടി 8 പ്രോ വലിയ 7000mAh ബാറ്ററിയുമായാണ് വിപണിയിൽ എത്തുക. പുതിയ സീരീസിലെ ഹാൻഡ്സെറ്റുകൾ 120W ഫാസ്റ്റ് വയർഡ് ചാർജിങ്ങിനെയും 50W വയർലെസ് ചാർജിങ്ങിനെയും കൂടുതൽ പിന്തുണയ്ക്കും. കുറെനേരം ഗെയിം കളിക്കുമ്പോൾ സംഭവിക്കാറുള്ള ഫോൺ ചൂടാകൽ ഒഴിവാക്കാൻ ഇത് സഹായിക്കും.

പുതിയ സീരീസിന്റെ ബാറ്ററി വെറും 15 മിനിറ്റിനുള്ളിൽ 0 മുതൽ 15 ശതമാനം വരെ ചാർജ് ചെയ്യാൻ കഴിയുമെന്നും ഇത് വളരെ വേഗത്തിലുള്ള ടോപ്പ്-അപ്പുകൾ വാഗ്ദാനം ചെയ്യുമെന്നും കമ്പനി അവകാശപ്പെടുന്നു.ഫോൺ 8.20mm കനത്തോടെയാണ് വരുന്നത്. സുഗമമായ ദൃശ്യങ്ങൾക്കായി 144Hz റിഫ്രഷ് റേറ്റുള്ള 6.78 ഇഞ്ച് OLED ഡിസ്‌പ്ലേ ഉണ്ടായിരിക്കും. HDR പിന്തുണയ്ക്കൊപ്പം ഉയർന്ന തെളിച്ചവും ഡിസ്പ്ലേ വാഗ്ദാനം ചെയ്യും. ഇത് ഒരു അൾട്രാസോണിക് ഇൻ-ഡിസ്പ്ലേ ഫിംഗർപ്രിന്റ് സെൻസറുമായി ജോടിയാക്കിയാണ് ഫോൺ വിപണിയിൽ എത്തുക.

ജിടി 8 പ്രോയിൽ 50 എംപി പ്രധാന OIS സെൻസർ നയിക്കുന്ന ട്രിപ്പിൾ കാമറ സജ്ജീകരണം, 50 എംപി അൾട്രാ-വൈഡ് ലെൻസ്, 108 എംപി ടെലിഫോട്ടോ കാമറ എന്നിവ ഉൾപ്പെടും. ഹാൻഡ്സെറ്റ് 120fpsൽ 4K വീഡിയോ റെക്കോർഡിംഗിനെ പിന്തുണയ്ക്കും. ഫോൺ 12 ജിബി വരെ റാമും 256 ജിബി സ്റ്റോറേജും വാഗ്ദാനം ചെയ്യുന്നു.