നിരവധി എഐ ഫീച്ചറുകള്‍, 21,999 രൂപ പ്രാരംഭ വില; റെഡ്മി നോട്ട് 15 എസ്ഇ വിപണിയില്‍, അറിയാം ഫീച്ചറുകള്‍
ചൈനീസ് സ്മാര്‍ട്ട്‌ഫോണ്‍ നിര്‍മ്മാതാക്കളായ ഷവോമിയുടെ റെഡ്മി നോട്ട് 15 എസ്ഇ (സ്‌പെഷല്‍ എഡിഷന്‍) ഫൈവ് ജി ഫോണ്‍ ഇന്ത്യന്‍ വിപണിയില്‍ അവതരിപ്പിച്ചു
Redmi Note 15 SE launchedsource: Redmi
Edited by :dhanojam
Last Updated :4 ഏപ്രിൽ 2026, 4:35 pm IST
മുംബൈ: ചൈനീസ് സ്മാര്‍ട്ട്‌ഫോണ്‍ നിര്‍മ്മാതാക്കളായ ഷവോമിയുടെ റെഡ്മി നോട്ട് 15 എസ്ഇ (സ്‌പെഷല്‍ എഡിഷന്‍) ഫൈവ് ജി ഫോണ്‍ ഇന്ത്യന്‍ വിപണിയില്‍ അവതരിപ്പിച്ചു. വളഞ്ഞ AMOLED പാനലിനൊപ്പം മെലിഞ്ഞതും ഭാരം കുറഞ്ഞതുമാണ് പുതിയ ഫോണ്‍. ഹാര്‍ഡ്വെയര്‍ അപ്ഗ്രേഡുകള്‍ക്കൊപ്പം, എഐയില്‍ പ്രവര്‍ത്തിക്കുന്ന ഫോട്ടോഗ്രാഫി ടൂളുകളും ഗൂഗിള്‍ ജെമിനി ഇന്റഗ്രേഷന്‍ പോലുള്ള സ്മാര്‍ട്ട് ഫീച്ചറുകളും കമ്പനി അവതരിപ്പിച്ചിട്ടുണ്ട്.
റെഡ്മി നോട്ട് 15 എസ്ഇ FHD+ റെസല്യൂഷനും 120Hz റിഫ്രഷ് റേറ്റും ഉള്ള 6.77 ഇഞ്ച് വളഞ്ഞ AMOLED പാനല്‍ ആണ് വാഗ്ദാനം ചെയ്യുന്നത്. ഇത് 3,200 നിറ്റ്‌സ് വരെ പീക്ക് ബ്രൈറ്റ്‌നസ് വാഗ്ദാനം ചെയ്യുന്നു. 4nm പ്രോസസ്സില്‍ നിര്‍മ്മിച്ച സ്‌നാപ്ഡ്രാഗണ്‍ 6 Gen 3 ചിപ്സെറ്റിന്റെ പിന്തുണയോടെയാണ് ഫോണ്‍ പ്രവര്‍ത്തിക്കുന്നത്. 5,800 mAh ബാറ്ററിയും 45W ഫാസ്റ്റ് ചാര്‍ജിംഗ് പിന്തുണയും ഈ ഫോണിനുണ്ട്. ഷവോമിയുടെ ഹൈപ്പര്‍ഒഎസ് 2 ഉള്ള ആന്‍ഡ്രോയിഡ് 15-ല്‍ ആണ് ഇത് പ്രവര്‍ത്തിക്കുന്നത്. കൂടാതെ ആറ് വര്‍ഷത്തെ സുരക്ഷാ പാച്ചുകള്‍ക്കൊപ്പം നാല് ആന്‍ഡ്രോയിഡ് അപ്ഡേറ്റുകളും ലഭിക്കും.
ഡോള്‍ബി അറ്റ്മോസുള്ള ഡ്യുവല്‍ സ്പീക്കറുകള്‍, എഐ നോയ്സ് കാന്‍സലേഷന്‍, മള്‍ട്ടിപ്പിള്‍ 5G ബാന്‍ഡുകള്‍, ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സര്‍ എന്നിവയാണ് മറ്റു ഫീച്ചറുകള്‍. കാമറ വിഭാഗത്തില്‍, 50MP ഡ്യുവല്‍ കാമറ സജ്ജീകരണത്തോടെയാണ് ഫോണ്‍ വരുന്നത്. സെല്‍ഫികള്‍ക്കായി, ഫോണില്‍ 20MP ഫ്രണ്ട് കാമറയുണ്ട്. AI Erase, AI Sky, AI Bokeh തുടങ്ങിയ എഐ ഫീച്ചറുകളും ഇതിലുണ്ട്. 21,999 രൂപ മുതല്‍ 23,999 രൂപ വരെയാണ് വില.
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
Summary
Redmi Note 15 SE launched in India: Check price, specs, availability
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
