ചൂയിങ് ​ഗം ദീർഘ നേരം ചവയ്ക്കുന്ന ശീലമുണ്ടോ? ആരോ​ഗ്യ പ്രശ്നങ്ങൾ പിന്നാലെയുണ്ട്

വായ്‌നാറ്റം ഒഴിവാക്കുന്നതിനും സമ്മർ​ദമകറ്റുന്നതിനും താടിയെല്ലിന്റെ വ്യായാമത്തിനുമൊക്കെയായി ഉപയോ​ഗിക്കുന്ന ഒന്നാണ് ചൂയിങ് ​ഗം. എന്നാൽ ചൂയിങ് ​ഗം സ്ഥിരമായും ദീർഘനേരം വായിലിട്ടു ചവയ്ക്കുന്ന ശീലം നിരവധി ആരോ​ഗ്യപ്രശ്നങ്ങൾക്ക് കാരണമാകുമെന്നാണ് ആരോ​ഗ്യ വിദ​ഗ്ധർ പറയുന്നത്. ഒരു ദിവസം 15 മിനിറ്റിൽ കൂടുതൽ ചൂയിങ് ​ഗം വായിലിട്ടു ചവയ്ക്കാൻ പാടില്ല. എന്നാൽ പലരും ഇടയ്ക്കിടെ വായിൽ ചൂയിങ് ​ഗം മണിക്കൂറുകളോളം ചവയ്ക്കുന്ന ശീലക്കാരാണ്.

ചൂയിങ് ഗം ദീർഘനേരം ചവയ്ക്കുന്നതുകൊണ്ടുള്ള ദോഷങ്ങള്‍

• ചൂയിങ് ഗം ദീർഘനേരം അല്ലെങ്കില്‍ ഒരു വശത്ത് മാത്രമിട്ട് ചവയ്ക്കുന്നത് താടിയെല്ലിനും ചെവിക്കും വേദനയുണ്ടാക്കാം. കൂടാതെ ഇത് തലവേദനയുണ്ടാകാനുള്ള സാധ്യതയുമുണ്ട്.

• പഞ്ചസാരയില്ലാത്ത ഗമ്മിലും ആസിഡിന്റെ ഫ്ലേവറുകളുണ്ടാകാം. ഇത് ഡെന്റല്‍ ഇറോഷന് കാരണമാകും. ഇനാമല്‍ നഷ്ടപ്പെടുത്തിയേക്കാം.

മുടി വളരാന്‍ ദോശയും ചമ്മന്തിയും

• ദീർഘനേരം ഗം ചവയ്ക്കുന്നതിലൂടെ ഗ്യാസിന്റെ പ്രശ്നങ്ങള്‍ക്കും കാരണമായേക്കാം. ഇത് വയറുവീർക്കുന്നതിലേക്കും അസ്വസ്ഥതയിലേക്കും നയിച്ചേക്കാം.

• ദീർ‌ഘനേരം ചൂയിങ് ​ഗം ചവയ്ക്കുന്നത് മെർക്കുറി പുറപ്പെടുവിക്കാനും ഇത് നാഡീസംബന്ധമായ പ്രശ്നങ്ങളിലേക്കും മാനസിക വൈകല്യങ്ങളിലേക്കും നയിച്ചേക്കാം.