താമര തണ്ട് റെസിപ്പി; രുചിയിലും ആരോ​ഗ്യത്തിലും കിടിലൻ

താമര തണ്ട് ഉപയോ​ഗിച്ച് രുചികരമായ ഒരുപാട് റെസിപ്പികളുണ്ട്. രുചി പോലെ തന്നെ അവയ്ക്ക് ​ആരോ​ഗ്യ​ഗുണങ്ങളും നിരവധിയാണ്. ഇതിൽ അടങ്ങിയിരിക്കുന്ന ഭക്ഷ്യനാരുകൾ ദഹനത്തിന് മികച്ചതാണ്. മലബന്ധത്തിന്റെ ലക്ഷണങ്ങൾ കുറയ്ക്കാൻ സഹായിക്കുന്ന ഇവ മലവിസർജ്ജന പ്രശ്നങ്ങൾക്ക് പരിഹാരമാകുമെന്ന് ന്യൂട്രീഷണിസ്റ്റുകൾ പറയുന്നു.

ഇരുമ്പിന്റെയും കോപ്പറിന്റെയും അംശം ചുവന്ന രക്താണുക്കളുടെ ഉത്പാദനം മെച്ചപ്പെടുത്തും. ഇത് വിളർച്ച കുറയ്ക്കാൻ സഹായിക്കും. കൂടാതെ രക്തയോട്ടം വർധിപ്പിക്കുകയും ചെയ്യും. അതുകൊണ്ടു തന്നെ അവയവങ്ങളിൽ ഓക്സിജൻ ഫലപ്രദമായി എത്താനും സഹായിക്കുന്നു.

താമര തണ്ടില്‍ ഉള്ള പൊട്ടാസ്യം ശരീരത്തിലെ ദ്രാവകങ്ങൾക്കിടയിൽ ശരിയായ ബാലൻസ് ഉറപ്പാക്കുകയും രക്തത്തിലെ സോഡിയത്തെ പ്രതിരോധിക്കുകയും ചെയ്യും. പൊട്ടാസ്യം രക്തക്കുഴലുകളെ അയയ്ക്കുകയും രക്തയോട്ടം വർധിപ്പിച്ച് ഹൃദയത്തിലെ ബുദ്ധിമുട്ടുകൾ കുറയ്ക്കുകയും ചെയ്യും.