സിംഹത്തിനൊക്കെ ഈ ചെറ്യേ കല്ലു മതി; വൈറല്‍ വിഡിയോ

കാട്ടിലായാലും നാട്ടിലായാലും സിംഹത്തെ പേടിക്കാത്തവര്‍ ഉണ്ടാവില്ല. എന്നാല്‍ ഒരു നായയെ തുരത്തുന്നതു പോലെ ചെറിയൊരു കല്ലു കൊണ്ട് പേടിപ്പിച്ച് സിംഹത്തെ ഒരു കര്‍ഷകന്‍ തുരത്തുന്ന വീഡിയോയാണ് ഇപ്പോള്‍ സോഷ്യല്‍മീഡിയയില്‍ ലൈക്കുകള്‍ വാരികൂട്ടുന്നത്. 

ഗുജറാത്തിലെ ജൂനാ​ഗദ്ദിലാണ് സംഭവം. നടുറോഡില്‍ ഒരു പശുവിനെ കീഴ്‌പ്പെടുത്താനുള്ള ശ്രമത്തിലാണ് സിംഹം. ചെറുത്തു നില്‍ക്കുന്നുണ്ടെങ്കിലും ശ്രമങ്ങളെല്ലാം വിഫലമായതോടെ വളരെ ദയനീയമായി പശു കരയുന്നുണ്ട്. അതിനിടെയാണ് കര്‍ഷകന്‍ വളരെ സാധാരണയായി നടന്നു വരുന്നത്. റോഡിന് സൈഡില്‍ നിന്നും ഒരു കല്ലെടുത്ത് എറിയാന്‍ ആഞ്ഞതോടെ സിംഹം പിടിവിട്ട് ഓടി രക്ഷപ്പെട്ടു. 

പിന്നാലെ വാഹനത്തില്‍ വന്നവരാണ് വിഡിയോ പകര്‍ത്തിയത്. വിവേക് കോതഡിയ എന്ന ട്വിറ്റര്‍ പേജിലൂടെ പങ്കുവെച്ച വിഡിയോ വളരെ വേഗം വൈറലായി. നിരവധി പേരാണ് കര്‍ഷകന്റെ ധൈര്യത്തെ പ്രശംസിച്ച് രംഗത്തെത്തി.

ഈ വാര്‍ത്ത കൂടി വായിക്കൂ

മുതലയുടെ കാലുകളുമായി ഇതാ ഒരു സൂപ്പ്; ''ഗോഡ്‌സില്ല റാമെൻ'', വില?

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ