നോര്‍ത്ത് അമേരിക്കയിലെ ഒറാങ്ങുട്ടന്‍ ഓര്‍മ്മയായി

ആംഗ്യഭാഷയില്‍ ആശയവിനിമയം നടത്തി ലോകത്തെ വിസ്മയിപ്പിച്ചിരുന്ന ഒറാങ്ങുട്ടന്‍ ഓര്‍മ്മയായി. നോര്‍ത്ത് അമേരിക്കയിലെ മൃഗശാലകളില്‍ ഉണ്ടായിരുന്ന ഏറ്റവും പ്രായം കൂടിയ ഒറാങ്ങുട്ടാനാണ് ചാന്റേക്ക്. ഈ ഒറാങ്ങുട്ടാന്‍ മൃഗശാലാ ജീവനക്കാരോട് ആശയവിനിമയം നടത്തുന്നത് കാഴ്ചക്കാര്‍ക്ക് ഏറെ കൗതുകമായിരുന്നു.

39 വയസായ ചന്റേക്ക് മൃഗശാലയിലുള്ളവര്‍ പറയുന്നത് കൃത്യമായി മനസിലാക്കുകയും കാര്യങ്ങള്‍ അവതരിപ്പിക്കുകയും ചെയ്തിരുന്നു. മാത്രമല്ല മുറി വൃത്തിയാക്കാനും ഉപകരണങ്ങള്‍ ഉപയോഗിക്കാനും ചാന്റേക്കിന് അറിയാമായിരുന്നു. അടുത്തുള്ള ഫാസ്റ്റ്ഫുഡ് റെസ്‌റ്റോറന്റിലേക്കുള്ള വഴിയും ഈ ഒറാങ്ങുട്ടന് കൃത്യമായി അറിയാമായിരുന്നു. 

നരവംശ ശാസ്ത്രജ്ഞനായ ലിന്‍ മൈല്‍സാണ് ചാന്റേക്കിനെ ആംഗ്യഭാഷ പഠിപ്പിച്ചത്. ജോര്‍ജിയയിലെ യെര്‍ക്‌സ് നാഷണല്‍ െ്രെപമേറ്റ് റിസര്‍ച്ച് സെന്ററിലായിരുന്നു ചാന്റേക്കിന്റെ ജനനം.

ചാന്റേക്കിന്റെ കഴിവുകളും ഗുണഗണങ്ങളും ഉള്‍പ്പെടുത്തി 2014 ല്‍ ദ ഏപ് ഹു വെന്റ് ടു കോളേജ് എന്ന പേരില്‍ ഡോക്യുമെന്ററി ഇറങ്ങിയിരുന്നു. കുറച്ചുകാലമായി ഹൃദ്രോഗത്തിന് ചികിത്സിലായിരുന്ന ചാന്റേക്ക് ഒടുവില്‍ മരണത്തിന് കീഴടങ്ങുകയായിരുന്നു. സൂ അറ്റ്‌ലാന്റയിലാരുന്നു അന്ത്യം.