ഡെനിം ഷോർട്ട്സിൽ അനാർക്കലിയുടെ ബോൾഡ് ഫോട്ടോഷൂട്ട് വൈറൽ. 'ഫീലിങ് ഡെനിം' എന്ന് കുറിച്ച് നടി തന്നെയാണ് ചിത്രങ്ങൾ പങ്കുവച്ചിരിക്കുന്നത്. ചിത്രം ഇതിനോടകം സോഷ്യൽമീഡിയയിൽ ശ്രദ്ധനേടിക്കഴിഞ്ഞു.

ഡെനിം ഷോർട്ട്സും ജാക്കറ്റും അകത്ത് വൈറ്റ് ക്രോപ്പ് ടോപ്പും ആണ് താരത്തിന്റെ വേഷം. സത്യൻ രാജൻ ആണ് ചിത്രങ്ങൾ പകർത്തിയത്. 
നിരവധിപ്പേരാണ് ചിത്രങ്ങൾക്ക് കമന്റുകൾ കുറിച്ചിരിക്കുന്നത്. സിക്സ് പാക്കിനായി കാത്തിരിക്കുന്നുവെന്നായിരുന്നു ഒരാളുടെ കമന്റ്. ഇതിനാകട്ടെ ഞാനും എന്ന് മറുപടി കുറിച്ച് അനാർക്കലിയും രം​ഗത്തെത്തി. 

ആനന്ദം എന്ന ചിത്രകത്തിലൂടെ അരങ്ങേറിയ അനാർക്കലി പിന്നീട് വിമാനം, മന്ദാരം എന്നീ ചിത്രങ്ങളിൽ അഭിനയിച്ചു. 2019 ൽ ഇറങ്ങിയ ഉയരെ ഏറെ ശ്രദ്ധിക്കപ്പെട്ടു. മാർക്കോണി മത്തായിയിലെ അതിഥി വേഷത്തിലാണ് അനാർക്കലിയെ ഒടുവിൽ അഭിനയിച്ചത്. അമല, കിസ്സ തുടങ്ങിയ ചിത്രങ്ങളാണ് ഇനി പുറത്തിറങ്ങാനുള്ളത്.