'എസ്ആർകെ പ്ലസ്'; സ്വന്തം ഓടിടി പ്ലാറ്റ്ഫോമുമായി ഷാരൂഖ് ഖാൻ 

സ്വന്തമായി ഒടിടി പ്ലാറ്റ്ഫോം പ്രഖ്യാപിച്ച് ബോളിവുഡ് കിം​ഗ് ഖാൻ ഷാരൂഖ്. 'എസ്ആർകെ പ്ലസ്' എന്നാണ് താരത്തിന്റെ ഒടിടി പ്ലാറ്റ്ഫോമിന്റെ പേര്. ഷാരൂഖ് തന്നെയാണ് സോഷ്യൽമീഡിയയിലൂടെ ഇക്കാര്യം പുറത്തുവിട്ടത്.  ഒടിടി ലോകത്ത് ഇനി ചിലതൊക്കെ സംഭവിക്കും എന്ന് കുറിച്ചാണ് താരം ഇക്കാര്യം പുറത്തുവിട്ടത്. ഒടിടി പ്ലാറ്റ്ഫോമിന്റെ ലോഗോയും അദ്ദേഹം അവതരിപ്പിച്ചു. 

സൽമാൻ ഖാൻ അടക്കമുള്ളവർ ഷാരൂഖിന് ആശംസകൾ നേർന്നു. ഇന്നത്തെ പാർട്ടി ഷാരൂഖിന്റെ വകയാണെന്ന പറഞ്ഞായിരുന്നു സൽമാന്റെ ആശംസ. പുതിയ തുടക്കത്തിന് അദ്ദേഹം അഭിനന്ദനങ്ങൾ അറിയിക്കുകയും ചെയ്തു. ബോളിവുഡിൽ പല പ്രമുഖ താരങ്ങളും ഒടിടി റിലീസ് ചെയ്തിട്ടുണ്ടെങ്കിലും ഷാരൂഖ് ഇതുവരെ അരങ്ങേറ്റം കുറിച്ചിരുന്നില്ല.