കലാസംവിധായകൻ ഭാസൻ മാനിപുരം അന്തരിച്ചു

കോഴിക്കോട്: സിനിമാ കലാസംവിധായകൻ ആർട്ടിസ്റ്റ് ഭാസൻ മാനിപുരം (കെ സി ഭാസ്‌കരൻ) അന്തരിച്ചു. 62 വയസായിരുന്നു. ശില്പിയും ചിത്രകാരനുമായ ഭാസൻ സിനിമയിൽ സഹ സംവിധായകനുമായും പ്രവർത്തിച്ചിട്ടുണ്ട്. 

കൊടുവള്ളി മാനിപുരം  സ്വദേശിയാണ്. അമൃതംഗമയ, പരിണയം, മയൂഖം, കനകാംബരങ്ങൾ, ഏഴാമത്തെവരവ്, ഓ ഫാബി, കടവ്  എന്നീ ചിത്രങ്ങളുടെ കലാ  സംവിധായകനായിരുന്നു. വടക്കൻ വീരഗാഥ, പരിണയം തുടങ്ങിയ ഹരിഹരൻ ചിത്രങ്ങളിൽ സഹ സംവിധായകനായും പ്രവർത്തിച്ചിട്ടുണ്ട്.