'ഞാന്‍ ആരെയും പ്രശംസിച്ച് സംസാരിച്ചിട്ടില്ല, അതെല്ലാം വ്യാജം': മറ്റ് താരങ്ങളുടെ ഫാന്‍ ക്ലബ്ബുകള്‍ക്കെതിരെ പരിണീതി

തന്റെ പേരില്‍ തെറ്റായ പ്രചരണം നടത്തുന്ന ഫാന്‍ ക്ലബ്ബുകള്‍ക്കെതിരെ നടി പരിണീതി ചോപ്ര. മറ്റ് താരങ്ങളെ പ്രശംസിച്ചു എന്ന രീതിയിലുള്ളതാണ് പോസ്റ്റ്. താന്‍ പറഞ്ഞിട്ടില്ലാത്ത കാര്യങ്ങള്‍ പ്രചരിപ്പിക്കുന്നവര്‍ക്കെതിരെ നടപടി എടുക്കുമെന്നും പരിണീതി ഇന്‍സ്റ്റഗ്രാം സ്റ്റോറിയിലൂടെ വ്യക്തമാക്കി. 
 
എന്റെ പേര് ഉപയോഗിച്ച് ഫാന്‍ ക്ലബ്ബുകള്‍ അവരുടെ കലാകാരന്മാര്‍ക്ക് അനുകൂലമായി പ്രചരണം നടത്തുന്നതായി ഞാന്‍ കണ്ടു. ഇവ വ്യാജമാണ്. ഞാന്‍ ആരെയും അഭിനന്ദിച്ചുകൊണ്ടോ ആശംസകള്‍ നേര്‍ന്നുകൊണ്ടോ അഭിമുഖങ്ങളില്‍ സംസാരിച്ചിട്ടില്ല.  ഞാന്‍ നിങ്ങളെ നിരീക്ഷിക്കുന്നുണ്ട്, നിങ്ങളെ റിപ്പോര്‍ട്ടുചെയ്യും. കൂടാതെ - ആദ്യം നിങ്ങള്‍ വസ്തുതകള്‍ പരിശോധിക്കണം! ഗൂഗിളില്‍ തിരയുന്നത് ആരെയും വേദനിപ്പിക്കുന്നില്ല.- പരിണീതി കുറിച്ചു. 

വിവാഹജീവിതത്തിലേക്ക് കടന്നിരിക്കുകയാണ് പരിണീതി ചോപ്ര. സെപ്റ്റംബര്‍ 24നാണ് എഎപി ലീഡര്‍ രാഘവ് ഛദ്ദയെ താരം വിവാഹം ചെയ്തത്. അക്ഷയ് കുമാര്‍ നായകനായി എത്തിയ മിഷന്‍ റാണിഗഞ്ചിലാണ് താരത്തിന്റേതായി അവസാനമായി പുറത്തെത്തിയത്. 

ഈ വാർത്ത കൂടി വായിക്കൂ 

വനിത വിജയകുമാറിന് നേരെ അജ്ഞാതന്റെ ആക്രമണം, മുഖത്ത് ഇടിച്ചു; പിന്നില്‍ പ്രദീപ് ആന്റണി ഫാനെന്ന് ആരോപണം​

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ