ആരാധകരെ ഒന്നടങ്കം ആവേശത്തിലാക്കിക്കൊണ്ട് രജനീകാന്ത് ചിത്രം ജയിലര്‍ തിയറ്ററില്‍ എത്തിയിരിക്കുകയാണ്. വന്‍ സ്വീകരണമാണ് സൂപ്പര്‍സ്റ്റാര്‍ ചിത്രത്തിന് ആരാധകര്‍ നല്‍കിയത്. ആദ്യ ഷോ കഴിഞ്ഞതു മുതല്‍ മികച്ച പ്രതികരണമാണ് ചിത്രത്തിന് ലഭിക്കുന്നത്. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് ജയിലര്‍ കാണാനായി ചെന്നൈയിലേക്ക് എത്തിയ ജാപ്പനീസ് ദമ്പതികളെക്കുറിച്ചുള്ള വിഡിയോ ആണ്. 

ജപ്പാനിലെ ഒസാക്കയില്‍ നിന്ന് ചെന്നൈയില്‍ എത്തിയാണ് ദമ്പതികള്‍ ചിത്രം കണ്ടത്. തിയറ്ററില്‍ നിന്ന് സിനിമ കണ്ടിറങ്ങിയതിനു ശേഷം ആവേശം പങ്കുവെക്കുന്ന ഇവരുടെ വിഡിയോയും വൈറലാവുകയാണ്. ഹിഡെതോഷിയും ഇയാളുടെ ഭാര്യ യസുഡ സട്‌സുകി എന്നിവര്‍ക്കൊപ്പമാണ് ചെന്നൈയില്‍ എത്തിയത്. ജപ്പാനിലെ രജനീകാന്ത് ഫാന്‍ ക്ലബ് നേതാവാണ് ഇദ്ദേഹം.

ഹോട്ടല്‍ മാനേജരായി ജോലി നോക്കുന്ന ഹസുഡ ഹിഡെതോഷി രജനീകാന്ത് സിനിമകള്‍ ആഘോഷമാക്കാന്‍ ചെന്നൈയിലേക്ക് എത്താറുണ്ട്. രജനീകാന്തിന്റെ പോയസ് ഗാര്‍ഡനിലെ വീട്ടില്‍ എത്തി ദമ്പതികള്‍ സൂപ്പര്‍താരത്തെ സന്ദര്‍ശിച്ചിരുന്നു. ലിങ്ക സിനിമയുടെ റിലീസിനിടെ 2002ലാണ് ആദ്യമായി തന്റെ രജനീകാന്തിനെ കാണുന്നത്. ആ നിമിഷം തനിക്ക് മറക്കാനാവില്ല എന്നാണ് ഇദ്ദേഹം പറയുന്നത്. 

അണ്ണാത്തെയ്ക്ക് ശേഷം ം രജനീകാന്തിന്റേതായി പുറത്തെത്തിയ ചിത്രമാണ് ഇത്. നെല്‍സണ്‍ സംവിധാനം ചെയ്യുന്ന ചിത്രത്തില്‍ മോഹന്‍ലാല്‍ അതിഥി വേഷത്തില്‍ എത്തുന്നുണ്ട്. തമന്നയാണ് നായിക. വിനായകനാണ് വില്ലന്‍ വേഷത്തില്‍ എത്തുന്നത്. രമ്യ കൃഷ്ണന്‍, സുനില്‍, മിര്‍നാ മേനോന്‍, വസന്ദ് രവി തുടങ്ങിയ വന്‍ താരനികയും ചിത്രത്തിലുണ്ട്.

ഈ വാര്‍ത്ത കൂടി വായിക്കൂ

'അവന് ലക്ഷ്യങ്ങളില്ല, അങ്ങനെയുള്ളവരെ ഭയക്കണം': ദുൽഖറിന്റെ കിങ് ഓഫ് കൊത്ത, ട്രെയിലർ

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ