'അവരുടെ കുറവുകൾ നമ്മുടെ മനസിലാണ്'; ഇൻഡി​ഗോ വിമാനക്കമ്പനിയെ അഭിനന്ദിച്ച് ജയസൂര്യ

അം​ഗപരിമിതയായ പെൺകുട്ടിയെ ജോലിയിൽ പരി​ഗണിച്ച ഇന്‍ഡിഗോ വിമാനക്കമ്പനിയെ അഭിനന്ദിച്ച് നടന്‍ ജയസൂര്യ. വിമാനയാത്രക്കിടെ ടിക്കറ്റ് ചെക്കിങ് ഗ്രൗണ്ട് സ്റ്റാഫിലെ ഒരു പെണ്‍കുട്ടി ധരിച്ച ഒരു ബാഡ്ജ് വളരെ അവിചാരിതമായി കാണാന്‍ ഇടയായെന്നും വിമാനക്കമ്പനിയുടെ നടപടിയില്‍ സന്തോഷം തോന്നിയെന്നും താരം ഇൻസ്റ്റ​ഗ്രാം സ്റ്റോറിയിൽ പറഞ്ഞു.

'എനിക്ക് കേള്‍ക്കാനും സംസാരിക്കാനും കഴിയില്ല എന്നാല്‍ എനിക്ക് നിങ്ങളെ സഹായിക്കാന്‍ കഴിയും' എന്നായിരുന്നു ബഡ്ജില്‍ എഴുതിയിരുന്നത്.  'ഇത് വിസ്മയമായിരിക്കുന്നു, ഇന്‍ഡിഗോയ്ക്ക് അഭിനന്ദനങ്ങള്‍'- എന്ന കുറിപ്പും താരം പെൺകുട്ടിയുടെ ചിത്രത്തിനൊപ്പം പങ്കുവെച്ചു.

'അവരുടെ കുറവുകള്‍ നമ്മുടെ മനസിലാണ്. അവര്‍ക്ക് ഒരു കുറവുമില്ല, നമ്മളെ പോലെ തന്നെ ജോലി ചെയ്ത് ജീവിക്കാന്‍ അര്‍ഹതപ്പെട്ടവരും കഴിവുള്ളവരുമാണ്. ആ കഴിവുകള്‍ നമ്മള്‍ കാണാതെ പോകുന്നതാണ് ഏറ്റവും വലിയ കുറവ്. അതാണ് ഇന്‍ഡിഗോ ഇവിടെ കണ്ടെത്തിയത്'- താരം പറയുന്നു.

ഈ വാര്‍ത്ത കൂടി വായിക്കൂ 

'തിയറ്റർ എക്സ്പീരിയൻസ് ഇല്ലെങ്കിൽ ആള് കയറില്ല, ബി​ഗ് ബജറ്റ് സിനിമകൾ എടുക്കാതെ രക്ഷയില്ല': ദുൽഖർ സൽമാൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ