'വിവാഹം ഒന്നിന്റെയും അവസാന വാക്ക് അല്ല എന്ന് പറയാൻ ഇന്നത്തെ പെൺകുട്ടികൾ ധൈര്യം കാണിക്കുന്നുണ്ട്'

തിരുവനന്തപുരം: വിവാഹം ഒന്നിന്റെയും അവസാന വാക്ക് അല്ല എന്ന് ഉറക്കെ പ്രഖ്യാപിക്കാൻ ഇന്നത്തെ പെൺകുട്ടികൾ ധൈര്യം കാണിക്കുന്നുണ്ടെന്ന് നടി മഞ്ജു വാര്യർ. കേരള വനിത കമ്മീഷന്റെ 'പറന്നുയരാം കരുത്തോടെ' എന്ന കാമ്പയിന്റെ ബ്രാൻഡ് അംബാസഡറായി ചുമതലയേറ്റ ചടങ്ങിൽ സംസാരിക്കുകയായിരുന്നു മഞ്ജു.

"വിവാഹം ഒന്നിന്റെയും അവസാന വാക്ക് അല്ല എന്ന് ഉറക്കെ പ്രഖ്യാപിക്കാൻ ഇന്നത്തെ പെൺകുട്ടികൾ ധൈര്യം കാണിക്കുന്നുണ്ട്. വിവാഹം വേണമോ വേണ്ടയോ എന്നത് സ്വന്തം തീരുമാനം ആയിരിക്കണം എന്ന് ഉറപ്പിച്ചിട്ടുള്ള പെൺകുട്ടികളെ കാണാം.

അതിലും ഭം​ഗി എനിക്ക് തോന്നിയത് അതിന് പൂർണമായും പിന്തുണ കൊ‌ടുത്തു കൊണ്ട് അവരുടെ ഒപ്പം നിൽക്കുന്ന മാതാപിതാക്കളെയും കാണുമ്പോഴാണ്. ശരിക്കും നമ്മുടെ ഈ സമൂഹം മാറി കൊണ്ട് തന്നെയിരിക്കുകയാണ്. അതിൽ വളരെ ശുഭകരമായിട്ടുള്ള പ്രതീക്ഷ എനിക്ക് തോന്നുന്നുണ്ട്". - മഞ്ജു വാര്യർ പറഞ്ഞു.

സ്ത്രീകൾക്ക് തങ്ങളുടെ ആ​ഗ്രഹങ്ങൾ നിറവേറ്റുന്നതിനും സ്വയം ശാക്തീകരിക്കപ്പെടുന്നതിനും ഏറ്റവും അത്യാവശ്യമായത് സാമ്പത്തിക സ്വാതന്ത്ര്യമാണെന്നും നടി കൂട്ടിച്ചേർത്തു. പ്രസം​ഗത്തിനിടയിൽ സാധാരണക്കാരായ സ്ത്രീകളുടെ പോരാട്ടവീര്യത്തെക്കുറിച്ചും മഞ്ജു സംസാരിച്ചു.‌‌‌