മോഹൻ സിത്താര നായകനാകുന്ന മ്യൂസിക് ആൽബം; 'വക്രതുണ്ഡ' എത്തി

വിനായക ചതുർഥിയോട് അനുബന്ധിച്ച് ഡിഡി സിനിമ കമ്പനിയുടെ ബാനറിൽ ധന്യ ദർശൻ കഥ എഴുതി സുരേഷ് ഷോമാൻ കാമറയും അക്ഷയ് എഡിറ്റിങ്ങും ദർശൻ സംവിധാനവും ചെയ്ത 'വക്രതുണ്ഡ' എന്ന മ്യൂസിക് ആൽബം പുങ്കുന്നം ശിവക്ഷേത്ര ത്തിലെ ഗണേശത്സവത്തിന്റെ ഭാഗമായി നടന്ന സാംസ്കാരിക സമ്മേളനത്തിൽ പ്രകാശനം ചെയ്തു.

തൻ്റെ ഭക്തരുടെ സർവ വിഘ്നങ്ങളും മാറ്റി വഴി കാണിക്കുന്ന ദേവഗണ നായകനും ദാരിദ്ര്യത്തിൽ കഴിയുന്ന തെരുവു ഗായകനുമായുള്ള ആത്മബന്ധത്തിന്റെ കഥ പറയുന്നതാണ് ഈ മ്യൂസിക് ആൽബം. ശ്രീദുർഗ ക്രിയേഷൻസിന്റെ നവാമൃതം എന്ന ഓഡിയോ ആൽബത്തിന് വേണ്ടി ഡോ ഉണ്ണികൃഷ്ണൻ തെക്കേപ്പാട്ടിന്റെ വരികൾക്ക് രവീന്ദ്രൻ കെ മേനോൻ സംഗീതം ചെയ്ത ഈ ഗാനം ആലപിച്ചിരിക്കുന്നത് പ്രശസ്ത പിന്നണി ഗായകൻ കൂടിയായ എടപ്പാൾ വിശ്വനാഥാണ്.

പ്രശസ്ത സംഗീത സംവിധായകൻ മോഹൻ സിത്താരയും രാജേഷും മുഖ്യവേഷത്തിൽ എത്തിയ ഈ ആൽബത്തിൽ സുന്ദരൻ കുന്നത്തുള്ളി, സജീഷ് കുട്ടനെല്ലൂർ, ധന്യ ദർശൻ, രവി എളവള്ളി, പ്രമീള, താജുദിൻ, അലൈവ്, രാജേഷ് അമ്പാടി, ജോജു, ബൈജു ചിറ്റിലപ്പിള്ളി, മാഹിൻ കാളത്തോട്, തോമസ് പൂമല,

ഉണ്ണികൃഷ്ണൻ പൂമല തുടങ്ങി നിരവധി പേർ അഭിനയിച്ചിരിക്കുന്നു മോഹൻ കാവിൽ, ബേബി കെ പൊറത്താള എന്നിവരാണ് പ്രൊഡക്ഷൻ ഡിസൈനേഴ്‌സ്. ഗണേശോത്സവ ഭാഗമായി വിവിധ അമ്പലങ്ങളിലും വക്രതുണ്ഡ എന്ന ഈ മ്യൂസിക് ആൽബം പ്രദർശിപ്പിക്കുന്നുണ്ട്. ഡിഡി രാജ യൂട്യൂബ് ചാനലിലും ലഭ്യമാണ്.