ന്യൂഡൽഹി; യുവ​ഗായകൻ ഷെയിൽ സാ​ഗർ അന്തരിച്ചു. 22 വയസായിരുന്നു. ഡൽഹിയിലെ സം​ഗീതജ്ഞരാണ് മരണ വാർത്ത പുറത്തുവിട്ടത്. മരണകാരണം വ്യക്തമല്ല. ബുധനാഴ്ചയാണ് ഷെയിൽ വിടപറഞ്ഞത്. 

ഡല്‍ഹിയിലെ സംഗീത കൂട്ടായ്മകളില്‍ പ്രശസ്തനായിരുന്നു ഷെയില്‍ സാഗര്‍. ആലാപനത്തിന് പുറമെ ഗാനരചനയിലും സാക്‌സോഫോണ്‍, പിയാനോ, ഗിത്താര്‍ തുടങ്ങിയ സംഗീതോപകരണങ്ങളിലും മികവ് നേടിയിരുന്നു. കഴിഞ്ഞ വർഷം റിലീസ് ചെയ്ത ഈഫ് ഐ ട്രെയ്ഡ് എന്ന ആല്‍ബത്തിലൂടെയാണ് ശ്രദ്ധനേടിയത്. ബിഫോര്‍ ഇറ്റ് ഗോസ്, സ്റ്റില്‍ തുടങ്ങിയ ആല്‍ബങ്ങള്‍ ഷെയില്‍ സാഗറിന്റേതായി പുറത്തിറങ്ങിയിരുന്നു.

ഈ വാർത്ത കൂടി വായിക്കാം 

'സർക്കാർ ജീവനക്കാർ മത, സമുദായ സംഘടനകളിൽ ഭാരവാഹികളാകേണ്ട'; ചട്ട വിരുദ്ധമെന്ന് ഹൈക്കോടതി

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ