മകൾ എത്തിയില്ല; പുനീത് രാജ്‍കുമാറിന്റെ സംസ്‍കാര ചടങ്ങുകൾ നാളെ

ബംഗളൂരു: അന്തരിച്ച കന്നഡ ചലച്ചിത്ര താരം പുനീത് രാജ്‍കുമാറിൻറെ സംസ്‍കാര ചടങ്ങുകൾ നാളെ നടക്കും. മകൾ വന്തിക അമേരിക്കയിൽ നിന്നെത്താൻ വൈകിയതിനാലാണ് സംസ്കാര ചടങ്ങുകൾ നാളേക്ക് മാറ്റിയത്. ഇന്ന് വൈകീട്ട് സംസ്കാരം നടക്കുമെന്നായിരുന്നു ആദ്യം അറിയിച്ചിരുന്നത്. 

മാതാപിതാക്കളായ ഡോ: രാജ്‍കുമാറിൻറെയും പർവതമ്മയുടെയുമൊക്കെ ഭൗതികദേഹം അടക്കം ചെയ്‍ത കണ്ഡീരവ സ്റ്റുഡിയോയിലാണ് ചടങ്ങുകൾ. കർണാടകയിൽ മറ്റന്നാൾ വരെ ദുഃഖാചരണമാണ്. 

പൊതുദർശനമുള്ള കണ്ഡീരവ സ്റ്റേഡിയത്തിലേക്ക് പതിനായിരങ്ങളാണ് എത്തികൊണ്ടിരിക്കുന്നത്. കനത്ത പൊലീസ് സുരക്ഷാ വലയത്തിലാണ് ബംഗളൂരു നഗരവും കണ്ഡീരവ സ്റ്റേഡിയവും.