'മയക്കുമരുന്ന് കൊണ്ടുവന്നത് സിനിമാക്കാരാണോ? പറയടോ?': പൊട്ടിത്തെറിച്ച് ഷൈൻ ടോം ചാക്കോ

മലയാള സിനിമാലോകത്തെ മയക്കുമരുന്നിന്റെ ഉപയോ​ഗത്തെക്കുറിച്ചുള്ള ചർച്ചകൾ ആരംഭിച്ചിട്ട് ഏറെ നാളായി. സിനിമയിലുള്ള പലരും ലഹരി ഉപയോ​ഗിക്കുന്നുണ്ടെന്ന് ഇതിനോടകം നിരവധി പേരാണ് തുറന്നു പറഞ്ഞത്. ഇപ്പോൾ ഇതിൽ പ്രതികരണവുമായി ഷൈൻ ടോം ചാക്കോ രം​ഗത്തെത്തിയിരിക്കുകയാണ്. കഞ്ചാവ് കൊണ്ടുവന്നത് സിനിമാക്കാരാണോ എന്നായിരുന്നു ഷൈനിന്റെ ചോദ്യം. 

ലൈവ് എന്ന സിനിമയുടെ പ്രിമിയർ ഷോയ്ക്ക് ശേഷം മാധ്യമങ്ങളോട് സംസാരിക്കുന്നതിനിടെ ആണ് ലഹരിയെക്കുറിച്ചുള്ള ചോദ്യം ഉയർന്നത്. ഇത് കേട്ട് താരം പൊട്ടിത്തെറിക്കുകയായിരുന്നു. 'ഈ ഡ്ര​ഗ്സൊക്കെ എത്രകാലമായി കണ്ടുപിടിച്ചിട്ട്. ലോകത്തിന്റെ ആദ്യം മുതലുള്ള ഈ സാധനം കൊണ്ടുവന്നത് ചെറുപ്പക്കാർ ആണോ. സിനിമാക്കാർ ആണോ ഇതൊക്കെ കൊണ്ടുവന്നത്. അങ്ങനെ പറയുന്ന ആൾക്കാരോട് നിങ്ങൾ ചോ​ദിക്കണം. ഇത് ഇപ്പോഴത്തെ ചെറുപ്പക്കാരോ സിനിമാക്കാരോ കൊണ്ടുവന്നതല്ല. എന്റെ മക്കളുടെ കയ്യിൽ എങ്ങനെ മയക്കുമരുന്ന് കിട്ടുന്നു എന്ന് മാതാപിതാക്കൾ ചോദിക്കണം.'- ഷൈൻ പറഞ്ഞു. 

വികെ പ്രകാശം സംവിധാനം ചെയ്ത ചിത്രത്തിൽ വൻ താരനിരയാണ് അണിനിരത്തുന്നത്. മംമ്ത മോഹൻദാസ്, സൗബിൻ ഷാഹിർ, ഷൈൻ ടോം ചാക്കോ, പ്രിയ വാര്യർ, കൃഷ്ണ പ്രഭ തുടങ്ങിയവരാണ് പ്രധാന വേഷത്തിലെത്തുന്നത്. ഇന്നാണ് ചിത്രം തിയറ്ററിൽ എത്തിയത്. മാധ്യമങ്ങളിലെത്തുന്ന വ്യാജവാർത്തകൾ സാധാരണക്കാരെ എങ്ങനെ ബാധിക്കുന്നു എന്നതാണ് ചിത്രത്തിന്‍റെ പ്രമേയം. എസ്. സുരേഷ്ബാബുവാണ് രചന. 

ഈ വാര്‍ത്ത കൂടി വായിക്കൂ 

ആശിഷ് വിദ്യാർഥിയുടെ രണ്ടാം വിവാഹം;  ചർച്ചയായി ആദ്യ ഭാര്യയുടെ കുറിപ്പ്​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ