​ഗുണ്ട ജയന്റെ വീട്ടിലെ കല്യാണ വിശേഷം; ട്രെയിലർ പുറത്ത്

സൈജു കുറുപ്പ് പ്രധാന വേഷത്തിലെത്തുന്ന ചിത്രം ഉപചാരപൂർവം ​ഗുണ്ട ജയന്റെ ട്രെയിലർ പുറത്ത്. ഒരു വിവാഹവീട്ടിൽ നടക്കുന്ന സംഭവങ്ങളാണ് ട്രെയിലറിൽ നിറഞ്ഞു നിൽക്കുന്നത്. ദുൽഖർ സൽമാൻ നിർമിക്കുന്ന ചിത്രം അരുൺ വൈ​ഗയാണ് സംവിധാനം ചെയ്യുന്നത്. 

​ഗുണ്ട ജയൻ എന്ന കഥാപാത്രമായാണ് സൈജു കുറുപ്പ് എത്തുന്നത്. ജയന്റെ വീട്ടിലാണ് വിവാഹം നടക്കുന്നത്. വൻതാരനിരയാണ് ചിത്രത്തിൽ അണിനിരക്കുന്നത്. സിജു വിൽസൺ, ശബരീഷ് വർമ, സാബു, ജോണി ആന്റണി തുടങ്ങിയവരാണ് പ്രധാന അഭിനേതാക്കൾ. രാജേഷ് വർമയാണ് തിരക്കഥയൊരുക്കിയിരിക്കുന്നത്.

ബിജിബാലാണ് സം​ഗീതസംവിധാനം. ഹരിനാരായണൻ വരികളെഴുതിയിരിക്കുന്നു. എൽദോ ഐസക് ക്യാമറയും കിരൺ ദാസ് എഡിറ്റിങ്ങും നിർവഹിച്ചിരിക്കുന്നു. ഈ മാസം 25-ന് ചിത്രം തിയേറ്ററുകളിലെത്തും.