'മണിച്ചേട്ടൻ ചെയ്ത സഹായം തിരികെ ചോദിക്കാൻ മാത്രം ഹൃദയമില്ലാത്തവരല്ല, സത്യം ഇതാണ്'; വിഡിയോ

അന്തരിച്ച നടൻ കലാഭവൻ മണി വാങ്ങിക്കൊടുത്ത ഓട്ടോറിക്ഷ കുടുംബം തിരിച്ചുവാങ്ങി എന്ന വാർത്ത വലിയ ചർച്ചയായിരുന്നു. രേവദ് ബാബു എന്നയാളാണ് ആരോപണവുമായി എത്തിയത്. എന്നാൽ വാർത്ത തെറ്റാണെന്ന് വ്യക്തമാക്കിക്കൊണ്ട് രം​ഗത്തെത്തിയിരിക്കുകയാണ് മണിയുടെ സഹോദരൻ ആർഎൽവി രാമകൃഷ്ണൻ.  മണി ചെയ്ത സഹായങ്ങൾ തിരികെ വാങ്ങാൻ മാത്രം ഹൃദയമില്ലാത്തവരല്ല തങ്ങളെന്ന് രാമകൃഷ്ണൻ പറഞ്ഞു. 

രേവദ് ബാബുവിന്റെ വിഡിയോയ്ക്കൊപ്പമാണ് രാമകൃഷ്ണന്റെ പോസ്റ്റ്. വീട്ടുകാരല്ല മണിയുടെ കൂട്ടുകാരാണ് ഓട്ടോ തിരിച്ചുവാങ്ങിയത് എന്നാണ് വിഡിയോയിൽ ദേവദ് ബാബു പറയുന്നത്.  തെറ്റായ വാർത്ത പരത്തിയവർക്കെതിരെ നിയമ നടപടികളുമായി മുന്നോട്ട് പോകുമെന്ന് രാമകൃഷ്ണൻ പറയുന്നു. 

ആർഎൽവി രാമകൃഷ്ണന്റെ ഫെയ്സ്ബുക്ക് പോസ്റ്റ്

സത്യാവസ്ഥ ജനങ്ങൾ അറിയാൻ വേണ്ടി മാത്രം ഇങ്ങനെ ഒരു വീഡിയോ ചെയ്യേണ്ടി വന്നത് .
മണി ചേട്ടൻ വാങ്ങി കൊടുത്ത ഓട്ടോറിക്ഷ ഞങ്ങൾ വീട്ടുകാർ തിരികെ വാങ്ങി എന്ന നവമാധ്യമ  വാർത്ത ഏറെ വേദയുണ്ടാക്കി.
മണി ചേട്ടൻ്റെ വിയോഗശേഷം നിരവധി കുപ്രചരണങ്ങൾ ഇത്തരത്തിൽ സോഷ്യൽ മീഡിയയിലൂടെ പ്രചരിക്കുന്നുണ്ടായിരുന്നു
 ചേട്ടൻ ചെയ്ത സഹായം തിരികെ ചോദിക്കാൻ ഞങ്ങൾ വീട്ടുകാർ ഹൃദയമില്ലാത്തവരല്ല
ഈ വാർത്തയുടെ സത്യാവസ്ഥ ഇതാണ്. എന്തായാലും തെറ്റായ വാർത്ത പരത്തിയവർക്കെതിരെ നിയമ നടപടികളുമായി മുന്നോട്ട് പോകും.

ഈ വാര്‍ത്ത കൂടി വായിക്കൂ പുഴയില്‍ കുളിക്കാനിറങ്ങിയ സുഹൃത്തുക്കള്‍ മുങ്ങിമരിച്ചു

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ