നടിയുടെ പേരെടുത്ത് പറഞ്ഞതില്‍ മാപ്പ് ചോദിച്ച് അജു വര്‍ഗീസ്

ആക്രമത്തിന് ഇരയായ നടിയുടെ പേരെടുത്ത് പറഞ്ഞ് ഫേസ്ബുക്കിലൂടെ പ്രതികരിച്ച നടന്‍ അജു വര്‍ഗീസ് മാപ്പ് പറഞ്ഞു. നടിയുടെ പേര് ഫേസ്ബുക്ക് പോസ്റ്റില്‍ ഉപയോഗിച്ചത് തെറ്റാണെന്ന് വൈകി മനസിലാക്കിയ ഈ അവസരത്തില്‍ അത് തിരുത്തുന്നു എന്നും, നടിയോട് മാപ്പ് ചോദിക്കുന്നു എന്നും അജു മറ്റൊരു ഫേസ്ബുക്ക് പോസ്റ്റിലൂടെ പറഞ്ഞു. 

നടിയുടെ പേരെടുത്ത പറഞ്ഞ ഫേസ്ബുക്ക് പോസ്റ്റില്‍ നിന്നും നടിയുടെ പേര് മാറ്റി, ഈ അടുത്ത ഇടയ്ക്ക് ആക്രമിക്കപ്പെട്ട എന്റെ സഹപ്രവര്‍ത്തകയോട് എന്ന് അജു തിരുത്തിയിട്ടുമുണ്ട്. തിങ്കളാവ്ചയായിരുന്നു നടിയുടെ പേരെടുത്ത് പറഞ്ഞും, ദിലീപിന് വീണ്ടും പിന്തുണ പ്രഖ്യാപിച്ചും അജു വര്‍ഗീസ് ഫേസ്ബുക്കിലൂടെ പ്രതികരിച്ചത്. 

ദിലീപിനെ ഇപ്പോള്‍ നിര്‍ബന്ധിതമായി പ്രതിയാക്കാനുള്ള ശ്രമമാണ് നടക്കുന്നതെന്നും അജു ആരോപിച്ചിരുന്നു.