നടൻ മിഥുൻ ചക്രവർത്തിയുടെ പിതാവ് അന്തരിച്ചു

മുംബൈ: ബോളിവുഡ് നടന്‍ മിഥുന്‍ ചക്രവര്‍ത്തിയുടെ പിതാവ് ബസന്ത്കുമാര്‍ ചക്രവര്‍ത്തി (95) അന്തരിച്ചു. വാര്‍ധക്യ സഹജമായ അസുഖങ്ങളാണ് മരണ കാരണം.

സിനിമാ ചിത്രീകരണത്തിനായി മിഥുന്‍ ചക്രവര്‍ത്തി ബംഗളൂരുവില്‍ കുടുങ്ങിയിരിക്കുകയാണ്. മാര്‍ച്ച് 24ന് രാജ്യത്ത് 21 ദിവസത്തെ ലോക്ഡൗണ്‍ പ്രഖ്യാപിക്കപ്പെട്ടപ്പോള്‍ അവിടെ കുടുങ്ങുകയായിരുന്നു. നടനെ മുംബൈയിലേക്ക് എത്തിക്കാനുള്ള ശ്രമങ്ങള്‍ നടക്കുകയാണെന്നാണ് റിപ്പോര്‍ട്ടുകള്‍.

ശാന്തിമോയി ചക്രവര്‍ത്തിയാണ് നടന്റെ അമ്മ. ഗൗരംഗ ചക്രവര്‍ത്തി ആണ് സഹോദരന്‍. മിഥുന്റെ മകന്‍ മിമോ ചക്രവര്‍ത്തി മുംബൈയില്‍ തന്നെണ്ടെന്ന് റിപ്പോര്‍ട്ടുകള്‍ വ്യക്തമാക്കുന്നു.