പ്രമുഖ നടനും സംവിധായകനുമായ രാജശേഖര്‍ അന്തരിച്ചു 

തമിഴ് നടനും സംവിധായകനുമായ രാജശേഖര്‍ അന്തരിച്ചു. 61 വയസ്സായിരുന്നു. വാർധക്യസഹജമായ അസുഖങ്ങൾ മൂലമാണ് മരണം സംഭവിച്ചതെന്നാണ് റിപ്പോര്‍ട്ടുകള്‍. ചെന്നൈയിലെ സ്വകാര്യ ആശുപത്രിയില്‍ വച്ചായിരുന്നു അന്ത്യം. 

1981ല്‍ അഭിനയം തുടങ്ങിയ രാജശേഖര്‍ റോബര്‍ട്ട് ആശീര്‍വാദത്തോടൊപ്പം ചേര്‍ന്നാണ് സംവിധാനത്തില്‍ തിളങ്ങിയത്. ഇരുവരും ചേര്‍ന്ന് പറവൈകൾ പലവിതം, മനസുക്കുൾ മതപ്പ്, ചിന്ന പൂവേ മെല്ലേ പേശ് തുടങ്ങിയ ചിത്രങ്ങള്‍ ഒരുക്കി.

സിനിമയില്‍ തിരകഥാകൃത്തായും ഛായാഗ്രാഹകനായും രാജശേഖര്‍ സാന്നിധ്യമറിയിച്ചിട്ടുണ്ട്. നിരവധി ഹിറ്റ് സീരിയലുകളിലും അദ്ദേഹം ഭാഗമായിട്ടുണ്ട്.