കൊച്ചി: നടന്‍ ജയസൂര്യയ്ക്ക് ഷൂട്ടിംഗിനിടെ പരിക്കേറ്റു. ആക്ഷന്‍ രംഗം ചിത്രീകരിക്കുന്നതിനിടെ തലയ്ക്ക് പരിക്കേറ്റ ജയസൂര്യയെ കൊച്ചിയിലെ സ്വകാര്യആശുപത്രിയില്‍ പ്രവേശിപ്പിച്ചു. വിജയ് ബാബു നിര്‍മിക്കുന്ന തൃശൂര്‍പൂരം എന്ന സിനിമയുടെ എറണാകുളത്തെ ലൊക്കേഷനില്‍ വച്ചാണ് പരിക്കേറ്റത്. ആക്ഷന്‍ രംഗം ചിത്രീകരിക്കുന്നതിനിടെ ജയസൂര്യ തെറിച്ചുവീഴുകയായിരുന്നു.

കൊച്ചിയിലെ സ്വകാര്യ ആശുപത്രിയിലെത്തി പ്രാഥമിക ചികിത്സ തേടി. പരിശോധനയ്ക്കു ശേഷം അദ്ദേഹം വീട്ടിലേക്ക് മടങ്ങി.

മുന്‍പ് മുന്‍ ഇന്ത്യന്‍ ഫുട്‌ബോള്‍ നായകന്‍ വി പി സത്യന്റെ ജീവിതകഥ പറഞ്ഞ ക്യാപ്റ്റന്‍ സിനിമയുടെ ചിത്രീകരണത്തിനിടെയും ജയസൂര്യക്ക് പരിക്കേറ്റിരുന്നു. അന്ന്  ഫുട്‌ബോള്‍ മത്സരം ചിത്രീകരിക്കുന്നതിനിടെ വലതുകാലിന് പരിക്കേല്‍ക്കുകയായിരുന്നു.