മുംബൈ:  നിയന്ത്രണം വിട്ട കണ്ടെയ്‌നര്‍ ലോറി നിരവധി വാഹനങ്ങളെ ഇടിച്ച ശേഷം ഹോട്ടലിലേക്ക് പാഞ്ഞുകയറി 15 പേര്‍ മരിച്ചു.മഹാരാഷ്ട്രയിലെ ധൂളെ ജില്ലയിലെ മുംബൈ- ആഗ്ര ദേശീയപാതയില്‍ പലസ്‌നര്‍ ഗ്രാമത്തിലായിരുന്നു സംഭവം. 

നിയന്ത്രണം നഷ്ടമായ കണ്ടെയ്‌നര്‍ രണ്ട് ബൈക്കിലും ഒരു കാറിലും ഇടിച്ച ശേഷം ബസ് സ്‌റ്റോപ്പിന് സമീപത്തുള്ള ഹോട്ടലിലേക്ക് ഇടിച്ച് മറിയുകയായിരുന്നു. അപകടത്തില്‍ 15പേര്‍ മരിച്ചതായും ഇരുപതിലധികം പേര്‍ക്ക് പരിക്കേറ്റതായും പൊലീസ് പറഞ്ഞു.

മധ്യപ്രദേശില്‍ നിന്ന് ധൂെളയിലേക്ക് പോവുകയായിരുന്നു കണ്ടെയ്‌നര്‍. ബസ് കാത്തുനില്‍ക്കുന്നവരില്‍ മരിച്ചവരില്‍ ഉള്‍പ്പെടുന്നു. പരിക്കേറ്റവരെ ഷിര്‍പൂരിലെയും ധൂളെയിലെയും ആശുപത്രികളില്‍ പ്രവേശിപ്പിച്ചതായി പൊലീസ് അറിയിച്ചു. 

ഈ വാര്‍ത്ത കൂടി വായിക്കൂ 

ശിവജിയുടെ പ്രതിമയ്ക്ക് സമീപം മൂത്രമൊഴിച്ചു;  മുസ്ലീം യുവാവിന് നേരെ ആള്‍ക്കൂട്ട മര്‍ദനം; വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ