അത്താഴം വിളമ്പാന്‍ വൈകി ; ഭാര്യയെ തല്ലിക്കൊന്നു ; 70 കാരന്‍ അറസ്റ്റില്‍

റാഞ്ചി : അത്താഴം നല്‍കാന്‍ വൈകിയതിന് 70 കാരന്‍ ഭാര്യയെ തല്ലിക്കൊന്നു. ജാര്‍ഖണ്ഡിലെ ഖുന്തി ജില്ലയിലെ കലാമതി ഗ്രാമത്തിലാണ് സംഭവം. ഭര്‍ത്താവിനെ പൊലീസ് അറസ്റ്റ് ചെയ്തു. 

ഹിരാമണി ആണ് കൊല്ലപ്പെട്ടത്. മദ്യപിച്ച് ലക്കുകെട്ട ഭര്‍ത്താവ് അത്താഴം വിളമ്പാന്‍ വൈകിയതിനെച്ചൊല്ലി ഹിരാമണിയുമായി വഴക്കിട്ടു. വഴക്കു മൂത്തതോടെ ഇയാള്‍ ഭാര്യയെ മര്‍ദ്ദിക്കുകയായിരുന്നു. 

വടി കൊണ്ടുള്ള അടിയേറ്റ ഹിരാമണി സംഭവസ്ഥലത്തു വെച്ചുതന്നെ മരിച്ചുവെന്ന് ഖുന്തി സബ് ഡിവിഷണല്‍ പൊലീസ് ഓഫീസര്‍ അജയ് കുമാര്‍ പറഞ്ഞു. സംഭവത്തില്‍ വിശദമായ അന്വേഷണം ആരംഭിച്ചതായും പൊലീസ് അറിയിച്ചു.