രാവിലെ രാജിവെച്ചു; മണിക്കൂറുകള്‍ക്കകം പാര്‍ട്ടിയില്‍ തിരിച്ചെത്തി കോണ്‍ഗ്രസ് നേതാവ്
രാഹുല്‍ ഗാന്ധി നേരിട്ട് സംസാരിച്ചെന്നും, പ്രശ്‌നപരിഹാരത്തിന് സമയം ആവശ്യപ്പെട്ടതായും ഭൂപന്‍ കുമാര്‍ ബോറ അറിയിച്ചു
Bhupen Kumar Borah
Edited by :jayakumarna
Last Updated :16 ഫെബ്രുവരി 2026, 4:41 pm IST
ഗുവാഹത്തി: നേതൃത്വവുമായി ഇടഞ്ഞ് പാര്‍ട്ടി വിട്ട കോണ്‍ഗ്രസ് നേതാവ് മണിക്കൂറുകള്‍ക്കകം പാര്‍ട്ടിയില്‍ തിരിച്ചെത്തി. അസം കോണ്‍ഗ്രസ് മുന്‍ സംസ്ഥാന അധ്യക്ഷന്‍ ഭൂപന്‍ കുമാര്‍ ബോറയാണ് കോണ്‍ഗ്രസ് ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെയ്ക്ക് രാജിക്കത്ത് നല്‍കി, മണിക്കൂറുകള്‍ പിന്നിടും മുമ്പെ തിരികെയെത്തിയത്.
നിയമസഭ തെരഞ്ഞെടുപ്പ് പടിവാതില്‍ക്കലെത്തി നില്‍ക്കെയാണ് ബോറ പാര്‍ട്ടി വിടുന്നത്. ഉടന്‍ തന്നെ കോണ്‍ഗ്രസ് നേതൃത്വം നടത്തിയ ഇടപെടലാണ് ഭൂപന്‍ കുമാര്‍ ബോറയെ പാര്‍ട്ടിയില്‍ തിരികെയെത്തിച്ചത്. അസമിന്റെ ചുമതലയുള്ള എഐസിസി സെക്രട്ടറി ജിതേന്ദ്ര സിങ്, കോണ്‍ഗ്രസ് സംസ്ഥാന അധ്യക്ഷന്‍ ഗൗരവ് ഗോഗോയ്, പ്രദ്യുത് ബൊര്‍ദളോയ് തുടങ്ങിയവര്‍ ഭൂപന്‍ ബോറയുടെ വീട്ടിലെത്തി അനുരഞ്ജന ചര്‍ച്ച നടത്തിയിരുന്നു.
ഇതിനു പിന്നാലെയാണ് രാജി തീരുമാനത്തില്‍ നിന്നും ഭൂപന്‍ കുമാര്‍ ബോറ പിന്‍വാങ്ങിയതെന്നാണ് റിപ്പോര്‍ട്ട്. കോണ്‍ഗ്രസ് സംസ്ഥാന നേതൃത്വം തന്നെ അവഗണിക്കുകയാണെന്നും, പാര്‍ട്ടിയില്‍ അര്‍ഹമായ പരിഗണന നല്‍കുന്നില്ലെന്നുമാണ് മല്ലികാര്‍ജുന്‍ ഖാര്‍ഗെയ്ക്ക് നല്‍കിയ രാജിക്കത്തില്‍ ഭൂപന്‍ കുമാര്‍ ബോറ ചൂണ്ടിക്കാട്ടിയിരുന്നത്. രാഹുല്‍ ഗാന്ധി നേരിട്ട് സംസാരിച്ചെന്നും, പ്രശ്‌നപരിഹാരത്തിന് കുറച്ച് സമയം ആവശ്യപ്പെട്ടതായും ഭൂപന്‍ കുമാര്‍ ബോറ രാജി തീരുമാനം പിന്‍വലിച്ചുകൊണ്ട് അറിയിച്ചു.
ഭൂപന്‍ കുമാര്‍ ബോറയ്ക്ക് അതൃപ്തി ഉണ്ടാകാന്‍ ഇടയായ സാഹചര്യങ്ങളില്‍ പാര്‍ട്ടി സംസ്ഥാന അധ്യക്ഷന്‍ ഗൗരവ് ഗോഗോയ് ഖേദം പ്രകടിപ്പിച്ചു. രണ്ടു തവണ എംഎല്‍എയായിരുന്ന ഭൂപന്‍ കുമാര്‍ ബോറ 2021 മുതല്‍ 2025 വരെയാണ് സംസ്ഥാന കോണ്‍ഗ്രസ് അധ്യക്ഷനായിരുന്നത്. രാജിവെച്ച ഭൂപന്‍ കുമാര്‍ ബോറയെ അസം മുഖ്യമന്ത്രി ഹിമന്ത ബിശ്വ ശര്‍മ്മ ബിജെപിയിലേക്ക് ക്ഷണിച്ചിരുന്നു. ഉറപ്പുള്ള സീറ്റ് നല്‍കുമെന്നും വാഗ്ദാനം നല്‍കിയിരുന്നു.
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
Summary
Former Assam Congress chief Bhupen Kumar Borah on Monday withdrew his resignation after intervention from the party’s central leadership, AICC state in-charge Jitendra Singh confirmed.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
