ഇനി മുതല്‍ അനുമതി നിര്‍ബന്ധം; വെള്ളി ഇറക്കുമതിക്ക് നിയന്ത്രണം ഏര്‍പ്പെടുത്തി കേന്ദ്ര സര്‍ക്കാര്‍
ചില വിഭാഗത്തില്‍പ്പെട്ട വെള്ളി ഇറക്കുമതിയെ റിസര്‍വ് ബാങ്ക് നിയന്ത്രണങ്ങള്‍ക്ക് കീഴിലാക്കിയിട്ടുമുണ്ട്.
വെള്ളി ഇറക്കുമതിക്ക് നിയന്ത്രണം ഏര്‍പ്പെടുത്തി കേന്ദ്ര സര്‍ക്കാര്‍
Edited by :Sujith
Last Updated :16 മേയ് 2026, 9:58 pm IST
ന്യൂഡല്‍ഹി: കേന്ദ്രസര്‍ക്കാര്‍ വെള്ളി ഇറക്കുമതിയില്‍ നിയന്ത്രണങ്ങള്‍ ഏര്‍പ്പെടുത്തി. വെള്ളിയുടെ വിവിധരൂപങ്ങളെ ഇറക്കുമതി നയത്തിലെ 'സൗജന്യം' എന്ന വിഭാഗത്തില്‍നിന്ന് 'നിയന്ത്രിത വിഭാഗ'ത്തിലേക്ക് മാറ്റി. ഇനി മുതല്‍ ഇറക്കുമതി ചെയ്യണമെങ്കില്‍ സര്‍ക്കാര്‍ അനുമതി നിര്‍ബന്ധമാണ്.
ചില വിഭാഗത്തില്‍പ്പെട്ട വെള്ളി ഇറക്കുമതിയെ റിസര്‍വ് ബാങ്ക് നിയന്ത്രണങ്ങള്‍ക്ക് കീഴിലാക്കിയിട്ടുമുണ്ട്. ഡയറക്ടര്‍ ജനറല്‍ ഓഫ് ഫോറിന്‍ ട്രേഡ് (ഡിജിഎഫ്ടി)യാണ് വിജ്ഞാപനം പുറപ്പെടുവിച്ചത്. പുതിയ മാറ്റത്തോടെ സില്‍വര്‍ ബാറുകള്‍, അണ്‍റോട്ട് സില്‍വര്‍, സെമി മാനുഫാക്ച്വേഡ് സില്‍വര്‍, സില്‍വര്‍ പൗഡര്‍ എന്നിവയുടെ ഇറക്കുമതി നിയന്ത്രിത വിഭാഗത്തിലാണ് വരുന്നത്. അതായത് ഇതിന്റെ ചരക്കുനീക്കം സാധ്യമാകണമെങ്കില്‍ സര്‍ക്കാരിന്റെ അനുമതി ലഭിച്ചേ മതിയാകൂ.
വ്യാവസായികമായും നിക്ഷേപമായും ഉപയോഗിക്കുന്ന വെള്ളിയുടെ വിവിധ രൂപങ്ങള്‍ നിയന്ത്രണത്തിന് കീഴില്‍ വരുന്നുണ്ട്. ഇവയിലേറെയും ഇതുവരെ സൗജന്യം എന്ന വിഭാഗത്തിലാണ് ഉള്‍പ്പെട്ടിരുന്നത്. എന്നാല്‍, സര്‍ക്കാരിന്റെ പുതിയ നീക്കത്തോടെ, സര്‍ക്കാരില്‍നിന്ന് മുന്‍കൂര്‍ അനുമതി വാങ്ങേണ്ടിവരും. നേരത്തെ സ്വര്‍ണത്തിനും വെള്ളിക്കും മേലുള്ള ഇറക്കുമതി തീരുവ യഥാക്രമം 15 ശതമാനവും ആറ് ശതമാനവും വര്‍ധിപ്പിച്ചിരുന്നു.
News Now
ഉണക്കമീൻ വിറ്റിരുന്ന സാംസങ് മുതൽ ട്രാക്ടർ വിറ്റിരുന്ന ലാംബോർഗിനി വരെ; വമ്പൻ ബ്രാൻഡുകളുടെ തുടക്കം
മുന്നറിയിപ്പില്‍ വീണ്ടും മാറ്റം; പത്ത് ജില്ലകളില്‍ യെല്ലോ അലര്‍ട്ട്; 50 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യത
'പാലപ്പൂ' ചിത്രീകരണം ആരംഭിച്ചു; സിദ്ധാർത്ഥ് ഭരതനും ബേബി ജീനും സിജു സണ്ണിയും പ്രധാന വേഷങ്ങളിൽ
അജ്ഞാത ആപ്പുകളോ ഫയലുകളോ ഫോണില്‍ ഉപയോഗിക്കരുത്; പണം കാലിയാകും, പൊലീസ് മുന്നറിയിപ്പ്
Summary
Centre imposes curbs on silver imports, authorisation needed for 99.9% purity category
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
