ട്രക്ക് പിടിച്ചുയര്‍ത്തുന്നതിനിടെ കേബിള്‍ പൊട്ടി; ക്രെയിന്‍ പാലത്തിന്റെ മുകളില്‍ നിന്ന് നദിയിലേക്ക്- വൈറല്‍ വീഡിയോ 

ഭുവനേശ്വര്‍: ഒഡീഷയില്‍ പാലത്തിന്റെ മുകളില്‍ നിന്ന് നദിയിലേക്ക് വീണ ട്രക്ക് പിടിച്ചുയര്‍ത്തുന്നതിനിടെ, കേബിള്‍ പൊട്ടി നിയന്ത്രണം നഷ്ടപ്പെട്ട ക്രെയിനും നദിയിലേക്ക് മറിഞ്ഞു. ക്രെയിന്‍ ഡ്രൈവറും വെള്ളത്തിലേക്ക് വീണെങ്കിലും പരിക്കുകളില്ലാതെ നീന്തി രക്ഷപ്പെട്ടു. 

ഒഡീഷയിലെ താല്‍ച്ചര്‍ നഗരത്തില്‍ ഞായറാഴ്ചയാണ് സംഭവം. പാലത്തിന്റെ മുകളില്‍ നിന്ന് നദിയിലേക്ക് വീണ ട്രക്ക് പിടിച്ചുയര്‍ത്താന്‍ രണ്ട് ക്രെയിനുകളാണ് ഉണ്ടായിരുന്നത്. ഇതില്‍ ഒരെണ്ണമാണ് നിയന്ത്രണം വിട്ട് വെള്ളത്തിലേക്ക് മറിഞ്ഞത്. 

പിടിച്ചുയര്‍ത്താന്‍ ഉപയോഗിച്ച കേബിളുകളില്‍ ഒരെണ്ണം പൊട്ടിയതാണ് അപകടത്തിന് കാരണം. ട്രക്ക് പിടിച്ചുയര്‍ത്താന്‍ ഒരു ക്രെയിനില്‍ കെട്ടിയിരുന്ന കേബിള്‍ പൊട്ടിയതോടെ, ഭാരം മുഴുവന്‍ രണ്ടാമത്തെ ക്രെയിനിലേക്ക് വരികയായിരുന്നു. ഇതോടെ നിയന്ത്രണം നഷ്ടപ്പെട്ട് ക്രെയിന്‍ നദിയിലേക്ക് മറിയുകയായിരുന്നു. അപകടത്തില്‍ ആര്‍ക്കും പരിക്കില്ല. ഇതിന്റെ ദൃശ്യങ്ങള്‍ വ്യാപകമായാണ് പ്രചരിക്കുന്നത്.

ഈ വാര്‍ത്ത കൂടി വായിക്കൂ

'ഞാന്‍ ഹൈക്കോടതി ചീഫ് ജസ്റ്റിസ്', ആമസോണ്‍ ഗിഫ്റ്റ് കാര്‍ഡുകള്‍ വാങ്ങാന്‍ നിര്‍ദേശം, വാട്‌സ്ആപ്പില്‍ ലിങ്ക്; തട്ടിപ്പ് 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ