യാത്രാമധ്യ പക്ഷി ഇടിച്ചു, സ്‌പൈസ് ജെറ്റ് വിമാനത്തിന് തീപിടിച്ചു-വീഡിയോ 

പട്‌ന: ഡല്‍ഹിയിലേക്ക് പുറപ്പെട്ട സ്‌പൈസ് ജെറ്റ് വിമാനത്തിന് യാത്രാമധ്യ തീപിടിച്ചു. പക്ഷി ഇടിച്ചതിനെ തുടര്‍ന്നാണ് വിമാനത്തിന് തീപിടിച്ചത്. അടിയന്തരമായി വിമാനം നിലത്തിറക്കിയത് കാരണം വന്‍ ദുരന്തം ഒഴിവായി. യാത്രക്കാര്‍ എല്ലാം സുരക്ഷിതരാണ് എന്ന് അധികൃതര്‍ വ്യക്തമാക്കി.

പട്‌നയിലാണ് സംഭവം. പട്‌ന- ഡല്‍ഹി സ്‌പൈസ് ജെറ്റ് വിമാനത്തിനാണ് തീപിടിച്ചത്. വിമാനം ടേക്ക് ഓഫ് ചെയ്ത് അല്‍പ്പസമയത്തിനകമാണ് ഇടതുവശത്തുള്ള എന്‍ജിന് തീപിടിച്ചത്. വിമാനത്തില്‍ 185 യാത്രക്കാരാണ് ഉണ്ടായിരുന്നത്. 

പക്ഷി ഇടിച്ചതിനെ തുടര്‍ന്നാണ് അപകടം ഉണ്ടായത്. പൈലറ്റ് വിമാനം അടിയന്തരമായി പട്‌ന വിമാനത്താവളത്തില്‍ തന്നെ തിരിച്ചിറക്കിയത്‌ മൂലമാണ് വന്‍ ദുരന്തം ഒഴിവായത്. പക്ഷി ഇടിച്ചതിനെ തുടര്‍ന്ന് ഉണ്ടായ സാങ്കേതിക തകരാറാണ് കാരണമെന്ന് ഡിജിസിഎ അറിയിച്ചു.

ഈ വാര്‍ത്ത കൂടി വായിക്കാം 

റിക്രൂട്ട്‌മെന്റ് റാലികള്‍ക്ക് പുറമെ ക്യാംപസ് ഇന്റര്‍വ്യൂവും, 18 വയസ്സിന് താഴെയുള്ളവര്‍ക്ക് രക്ഷിതാക്കളുടെ അനുമതി പത്രം; 'അഗ്നിപഥ് പദ്ധതി', മാര്‍ഗരേഖ പുറത്തിറക്കി വ്യോമസേന

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ