മഴു കുത്തിനിര്‍ത്തി മുകളിലേക്ക്, മഞ്ഞുമല കയറുന്ന മത്സരം സംഘടിപ്പിച്ച് ഐടിബിപി; പങ്കെടുത്തത് നൂറുകണക്കിന് ആളുകള്‍ - വീഡിയോ 

ശ്രീനഗര്‍: ലഡാക്കില്‍ മഞ്ഞുമല കയറുന്ന മത്സരം സംഘടിപ്പിച്ച് ഇന്‍ഡോ- ടിബറ്റന്‍ ബോര്‍ഡര്‍ പൊലീസ്. 100 കണക്കിന് ആളുകളാണ് മത്സരത്തില്‍ പങ്കെടുത്തത്. ആദ്യമായാണ് ഇത്തരത്തിലുള്ള ഒരു പരിപാടി സംഘടിപ്പിക്കുന്നത്.

മത്സരാര്‍ത്ഥികള്‍ മല കയറുന്ന ദൃശ്യങ്ങള്‍ ഐടിബിപി പുറത്തുവിട്ടു. ലഡാക്ക് മൗണ്ടനീയറിംഗ് ഗൈഡ് അസോസിയേഷന്റെ സഹകരണത്തോടെയാണ് മത്സരം സംഘടിപ്പിച്ചത്. 

മഞ്ഞില്‍ മഴു കുത്തിനിര്‍ത്തി മുകളിലേക്ക് പിടിച്ചുകയറുന്നതാണ് ദൃശ്യങ്ങള്‍. 1962ലാണ് അര്‍ദ്ധ സൈനിക വിഭാഗമായ ഇന്‍ഡോ- ടിബറ്റന്‍ ബോര്‍ഡര്‍ പൊലീസ് സ്ഥാപിച്ചത്. അതിര്‍ത്തിയില്‍ സുരക്ഷ ഉറപ്പാക്കുകയാണ് ഇവരുടെ ചുമതല.